വർഷം രണ്ടുതവണ പൊതുപരീക്ഷ: പ്രയാസമില്ലെന്ന് സിബിഎസ്ഇ

ന്യൂഡൽഹി ∙ വർഷത്തിൽ രണ്ടു തവണ പൊതുപരീക്ഷയെന്ന നിർദേശം നടപ്പാക്കാൻ പ്രയാസമാണെന്നു പറഞ്ഞിട്ടില്ലെന്നു സിബിഎസ്ഇ ബോർഡിന്റെ വിശദീകരണം. ദേശീയ വിദ്യാഭ്യാസനയത്തിലെയും ദേശീയ പാഠ്യപദ്ധതി ചട്ടക്കൂട്ടിലെയും നിർദേശങ്ങൾ നടപ്പാക്കാൻ സന്നദ്ധമാണെന്നും വിശദീകരിച്ചു. 2 പൊതുപരീക്ഷ നടപ്പാക്കുക ശ്രമകരമാണെന്ന വാർത്തകൾ വന്ന പശ്ചാത്തലത്തിലാണു വിശദീകരണം.

കഴിഞ്ഞമാസം 25നു നടന്ന സ്കൂൾ പ്രിൻസിപ്പൽമാരുടെ യോഗത്തിലാണു പരീക്ഷ നടത്തുന്നതിന്റെ പ്രായോഗിക ബുദ്ധിമുട്ടുകൾ സിബിഎസ്ഇ വിശദീകരിച്ചത്. ഇക്കാര്യം കേന്ദ്രത്തെയും അറിയിച്ചിരുന്നുവെന്നാണു വിവരം.