യൂറോപ്പിൽ ശരത്ക്കാലം ആരംഭിക്കുന്നു; വരുന്നു ഗോൾഡൻ ഒക്ടോബർ

ബർലിൻ ∙ യൂറോപ്പിൽ വേനൽക്കാലം പടിയിറങ്ങുന്നു. അടുത്ത ചൊവ്വാഴ്ച ഇവിടെ ശരത്ക്കാലത്തിന് തുടക്കം കുറിക്കും. ശരത്ക്കാലത്ത് ഈ പ്രാവശ്യം പ്രസന്ന കാലാവസ്ഥയായിരിക്കുമെന്നാണ് കാലാവസ്ഥ നിരീക്ഷകർ സൂചന നൽകുന്നത്.

പകൽ സമയം താപനില ഇരുപത് സെൽഷ്യസ് ഗ്രേഡിന് താഴെയായിരിക്കും. രാത്രികാലങ്ങളിൽ ശൈത്യത്തിലേക്ക് കൂപ്പു കുത്തുകയില്ല. 

മഴയും കാറ്റും വഴിമാറി നിൽക്കും. അതിപ്രസന്നമായ കാലാവസ്ഥയാണ് ഒക്ടോബറിൽ കാത്തിരിക്കുന്നതെന്ന് ജർമൻ കാലാവസ്ഥ നിരീക്ഷകൻ ഡോമിനിക് യുംഗ് മാധ്യമങ്ങളെ അറിയിച്ചു. ജർമനിയിൽ പഴമക്കാർ ഇഷ്ടപ്പെടുന്ന ഗോൾഡൻ ഒക്ടോബറായിരിക്കും വരാൻ പോകുന്നതെന്നാണു സൂചന.