ഉമ്മൻ ചാണ്ടി അനുസ്മരണം; മാഞ്ചസ്റ്ററിലെ ഗാന്ധി പ്രതിമക്ക് മുന്നിൽ ഒത്തുകൂടി ഐഒസി പ്രവർത്തകർ

മാഞ്ചസ്റ്റർ∙  ഉമ്മൻ ചാണ്ടിയുടെ വേർപാടിൽ അനുശോചിച്ച് മാഞ്ചസ്റ്ററിലെ ഇന്ത്യൻ ഓവർസീസ് കോൺഗ്രസ് പ്രവർത്തകർ അനുസ്മരണ യോഗം നടത്തി. മാഞ്ചസ്റ്റർ കത്തീഡ്രൽ യാർഡിലെ മഹാത്മാ ഗാന്ധി പ്രതിമക്ക് മുന്നിലാണ് അനുസ്മരണ യോഗം നടത്തിയത്. രാഷ്ട്രീയ എതിരാളികളാൽ ഇത്രയേറെ വേട്ടയാടപ്പെട്ടിട്ടും എല്ലാവരെയും പരിഭവങ്ങളില്ലാതെ സ്നേഹിച്ച ഉമ്മൻ ചാണ്ടിയോടുള്ള ആദരവ് പ്രകടമാക്കാൻ അഹിംസ വാദിയായ മഹാത്മജിയുടെ പ്രതിമ ഉൾക്കൊള്ളുന്ന ഇടമാണ് അനുസ്മരണ യോഗ വേദിയായി തിരഞ്ഞെടുത്തതെന്ന് ചടങ്ങുകൾക്ക് നേതൃത്വം നൽകിയ ഐഒസി യുകെ കേരള ചാപ്റ്റർ ഭാരവാഹി റോമി കുര്യാക്കോസ് പറഞ്ഞു.

മൗന പ്രാർത്ഥയോടെ ആരംഭിച്ച അനുസ്മരണ ചടങ്ങിൽ ഐഒസിപ്രവർത്തകർ ഉമ്മൻ ചാണ്ടിയുടെ ഛായാചിത്രത്തിന് മുന്നിൽ പുഷ്പാർച്ച നടത്തി. വിവിധ കമ്മിറ്റികളെ പ്രതിനിധീകരിച്ച് സോണി ചാക്കോ, ജിപ്സൺ ഫിലിപ്പ് ജോർജ്, ബേബി ലൂക്കോസ്, അഖിൽ ജോസ്, സച്ചിൻ സണ്ണി, ഹരികൃഷ്ണൻ, സോണി പിടിവീട്ടിൽ, നെബു എബ്രഹാം, മിഥുൻ, ജിക്‌സൺ,  ആദിൽ, മുഹമ്മദ്‌ റസാഖ് എന്നിവർ അനുസ്മരണ യോഗത്തിൽ സംസാരിച്ചു.

English Summary: Oommen Chandy Commemoration; IOC activists gather in front of the Gandhi statue in Manchester