കേംബ്രിഡ്ജ് യൂണിവേഴ്സിറ്റിയിലെ സംവാദ പരിപാടിയിൽ മുഖ്യാതിഥി വി ഡി സതീശൻ

ലണ്ടൻ∙ യുകെയിലെ ഇന്ത്യൻ വർക്കേഴ്സ് യൂണിയൻ കേംബ്രിഡ്ജ് സ്റ്റുഡൻസ് യൂണിയനുമായി സഹകരിച്ച് സംഘടിപ്പിക്കുന്ന സംവാദ പരിപാടിയിൽ മുഖ്യാതിഥിയായി എത്തുന്നത് കേരളത്തിന്റെ പ്രതിപക്ഷ നേതാവ് വി.ഡി. സതീശൻ. ‘നെഹ്റൂവിയൻ സോഷ്യലിസത്തിന്റെ പുനരുജ്ജീവനവും മാർഗങ്ങളും’ എന്ന വിഷയത്തിലാണ് നവംബർ 17ന് സംവാദ പരിപാടി സംഘടിപ്പിക്കുന്നത്. യൂണിവേഴ്സിറ്റിയിലെ സൗത്ത് ഏഷ്യൻ സ്റ്റുഡൻസ് ഹാളിൽ ഉച്ചകഴിഞ്ഞ് 2:30നാണ്  കാലിക പ്രാധാന്യമേറിയ ഈ സംവാദ പരമ്പര. കേംബ്രിഡ്ജ് ഡപ്യൂട്ടി മേയർ അഡ്വ. ബൈജു തിട്ടാല, കേംബ്രിഡ്ജ് സിറ്റി കൗൺസിൽ മുൻ മേയർ ലൂയിസ് ഹെർബർട്ട് എന്നിവരും സംവാദത്തിൽ സംബന്ധിക്കും. 

രാഷ്ട്രീയക്കാർ, ചരിത്രകാരന്മാർ, അക്കാദമിക് വിദഗ്ധർ, സാമൂഹിക നിരീക്ഷകർ തുടങ്ങിയവർ ഇന്ത്യൻ വർക്കേഴ്സ് യൂണിയൻ സംഘടിപ്പിക്കുന്ന പരിപാടിയിൽ പങ്കെടുക്കും.