മേളപ്പെരുമയ്ക്കിടെ ഷെഫ് ജോമോന് ‘കരിയർ എക്സലൻസ്’ അംഗീകാരം
![career-excellence-award-for-chef-jomon ഷെഫ് ജോമോന് കരിയർ എക്സലൻസ് അവാർഡ് സിനിമാതാരം ജയറാം സമ്മാനിച്ചു.](https://img-mm.manoramaonline.com/content/dam/mm/mo/global-malayali/europe/images/2024/6/13/shef-jomon.jpg?w=1120&h=583)
Mail This Article
ലണ്ടൻ ∙ ബ്രിട്ടനിലെ മലയാളികളുടെ അഭിമാനായ ഷെഫ് ജോമോന് വീണ്ടും അഗീകാരം. ബിബിസി സെലിബ്രിറ്റി മാസ്റ്റർ ഷെഫ് പ്രോഗ്രാമിലൂടെ പ്രശസ്തനായ ജോമോന് വിവിധ മേഖലകളിൽനിന്നും ലഭിക്കുന്ന അവാർഡുകളിൽ ഏറ്റവും പുതിയതാണ് മേളപ്പെരുമയ്ക്കിടെ ലഭിച്ച ‘കരിയർ എക്സലൻസ്’ അവാർഡ്. ലണ്ടനിലെ നവധാര സ്കൂൾ ഓഫ് മ്യൂസിക് അണിയിച്ചൊരുക്കിയ മേളപ്പെരുമ എന്ന കലാ-സാംസ്കാരിക സന്ധ്യയിൽ പ്രശസ്ത സിനിമാതാരം ജയറാം അവാർഡ് സമ്മാനിച്ചു.
ബ്രിട്ടനിലും മറ്റു വിവിധ രാജ്യങ്ങളിലും പ്രശസ്തമായ ടിഫിൻ ബോക്സ് എന്ന ഇന്റർനാഷനൽ റസ്റ്ററന്റ് ശൃഖലയുടെ കൾനറി ഡയറക്ടറാണ് ജോമോൻ. മാവേലിക്കര തോണിക്കര സ്വദേശിയായ ജോമോൻ കുര്യാക്കോസ് എന്ന ഷെഫ് ജോമോൻ 17 വർഷത്തെ വിദേശവാസത്തിനിടെ അഭിമാനത്തോടെ നടന്നു കയറിയ പാചകകലയുടെ പ്രശസ്തിപടവുകൾ നിരവധിയാണ്.
ബ്രിട്ടിഷ് മലയാളി ന്യൂസ് പേഴ്സൺ-2019, ഏറ്റവും സ്വാധീനമുള്ള 100 യുകെ മലയാളികളിൽ ഒരാൾ, ക്രാഫ്റ്റ് ഗിൽഡ് ഓഫ് ഷെഫിന്റെ കൾനറി ഹീറോ, ഫുഡ് സേഫ്റ്റി ലീഡർ-2022, യംഗസ്റ്റ് എക്സിക്യൂട്ടീവ് ഷെഫ് ഓഫ് ദ ഇയർ -2022, ഗസ്റ്റ് സ്പീക്കർ - വേൾഡ് ഫുഡ്, ഈസ്താംബുൾ എന്നിങ്ങനെ നിരവധി അംഗീകാരങ്ങളും അവസരങ്ങളുമാണ് ജോമോനെ തേടിയെത്തിയത്.