ലണ്ടനിൽ ആക്രമിക്കപ്പെട്ട കാബിൻ ക്രൂവിന് കൗൺസലിങ്

ന്യൂഡൽഹി ∙ എയർഇന്ത്യയുടെ വനിതാ കാബിൻ ക്രൂ അംഗത്തെ ലണ്ടനിലെ ഹോട്ടൽ മുറിയിൽ കടന്നുകയറി ആക്രമിച്ചു. ബഹളം കേട്ടു തൊട്ടടുത്ത മുറികളിൽ താമസിച്ചിരുന്നവർ എത്തിയാണു യുവതിയെ രക്ഷിച്ചത്. അക്രമിയെ പൊലീസ് അറസ്റ്റ് ചെയ്തു.

തെരുവിൽ അലഞ്ഞുനടന്നയാളാണു ഹോട്ടൽ മുറിയിൽ അതിക്രമിച്ചുകയറിയതെന്നു പറയുന്നു. ഹീത്രോ വിമാനത്താവളത്തിനു സമീപമുള്ള സ്റ്റാർ ഹോട്ടലിലാണു സംഭവം. ആക്രമിക്കപ്പെട്ട കാബിൻ ക്രൂ അംഗം ഇന്ത്യയിൽ തിരിച്ചെത്തിയെന്നും കൗൺസലിങ് നൽകിവരികയാണെന്നും എയർഇന്ത്യ അറിയിച്ചു.