ലീഡ്‌സ് റീജൻ ബൈബിൾ കൺവൻഷൻ സെപ്റ്റംബർ 28ന്

ലണ്ടൻ ∙  ലീഡ്‌സ് റീജൻ ബൈബിൾ കൺവൻഷൻ സെപ്റ്റംബർ 28ന് നടക്കും.  മേജർ ആർച്ച് ബിഷപ് മാർ റാഫേൽ തട്ടിൽ, ഗ്രേറ്റ്‌ ബ്രിട്ടൻ രൂപത ബിഷപ് മാർ ജോസഫ് സ്രാമ്പിക്കൽ എന്നിവരാണ് മുഖ്യ കാർമ്മികർ. പ്രശസ്ത വചന പ്രഘോഷകനായ റവ.ഡോ.ടോം ഓലിക്കരോട്ട് നയിക്കുന്ന കൺവൻഷനിൽ രൂപത ഇവാഞ്ചലൈസേഷൻ ചെയർപേഴ്സൺ സിസ്റ്റർ ആൻ മരിയയും പങ്കുചേരും.

റീജൻ ഡയറക്ടർ ഫാ.ജോജോ പ്ലാപ്പള്ളി,  ലീഡ്‌സ് സെന്റ് മേരീസ് ആൻഡ് സെന്റ് വിൽഫ്രഡ്‌ ഇടവക വികാരി ഫാ.ജോസ് അന്ത്യാംങ്കുളം, ഇവാഞ്ചലൈസേഷൻ കോ ഓർഡിനേറ്റർ ജോയ്‌സ് മുണ്ടക്കൽ, റീജനിലെ വൈദികർ, ലീഡ്‌സ് ഇടവക ട്രസ്റ്റിമാർ,  കമ്മിറ്റിയംഗങ്ങൾ എന്നിവരുടെ നേതൃത്വത്തിൽ കൺവൻഷനായുള്ള ഒരുക്കങ്ങൾ പുരോഗമിക്കുകയാണ്.

സിറോ മലബാർ സഭയുടെ പിതാവ് മേജർ ആർച്ച് ബിഷപ് മാർ റാഫേൽ തട്ടിൽ പങ്കെടുക്കുന്ന ഗ്രേറ്റ്‌ ബ്രിട്ടൻ എപ്പാർക്കിയിലെ കൺവൻഷൻ രാവിലെ 9.30 ന് ആരംഭിച്ച് വൈകിട്ട് 4 മണി വരെ ഉണ്ടാകും. കൺവൻഷനിൽ കുമ്പസാരത്തിനും സ്പിരിച്വൽ ഷെയറിങ്ങിനും സൗകര്യമുണ്ടായിരിക്കും. ഉച്ച ഭക്ഷണം ക്രമീകരിച്ചിട്ടുണ്ട്.  കുട്ടികൾക്കായി പ്രത്യേക ക്ലാസുകളും ക്രമീകരിക്കും.