സർഗം സ്റ്റീവനേജ് മ്യൂസിക് ആൻഡ് ഡിജെ നൈറ്റ് നവംബർ 10ന്

സ്റ്റീവനേജ് ∙ സർഗം സ്റ്റീവനേജ് മലയാളി അസോസിയേഷൻ സംഘടിപ്പിക്കുന്ന 'മ്യൂസിക് ആൻഡ് ഡി ജെ നൈറ്റ്' നവംബർ 10ന് സ്റ്റീവനേജ് ഓവൽ കമ്മ്യൂണിറ്റി സെന്ററിൽ വച്ച് നടത്തപ്പെടും. സംഗീതമേള ഞായറാഴ്ച ഉച്ചകഴിഞ്ഞ് മൂന്ന് മണി മുതൽ രാത്രി എട്ടരവരെ ഉണ്ടാകും. തുടർന്ന് ഡി ജെ. സ്റ്റാർ സിംഗർ സീസൺ 6 റണ്ണർ അപ്പ് രാജീവ് രാജശേഖരനടക്കം യുകെയിലെ പ്രശസ്ത ഗായകർ അതിഥികളാകും.

ഗായകരായ നിധിൻ ശ്രീകുമാർ, കാർത്തിക് ഗോപിനാഥ് (കേംബ്രിഡ്ജ്) അൻവിൻ കെടാമംഗലം, സജിത്ത് വർമ്മ (നോർത്തംപ്റ്റൻ) ഹരീഷ് നായർ (ബോറാംവുഡ്) ഡോ. ആശാ നായർ (റിക്സ്മാൻവർത്ത്) ആനി അലോഷ്യസ് (ലൂട്ടൻ) ഡോ. രാംകുമാർ ഉണ്ണികൃഷ്ണൻ (വെൽവിൻ ഗാർഡൻ സിറ്റി) എന്നിവർ സംഗീത വിരുന്നൊരുക്കും.

ജെസ്ലിൻ വിജോ, ബോബൻ സെബാസ്റ്റ്യൻ, ഡോ ആരോമൽ, ആതിരാ ഹരിദാസ്, നിസ്സി ജിബി, ടാനിയ ഹോർമീസ്, ഡോ. അബ്രാഹം സിബി, ഹെൻട്രിൻ എന്നിവരും പരിപാടിയിൽ ഗാനങ്ങൾ ആലപിക്കും. സർഗം സ്റ്റീവനേജ് മലയാളി അസോസിയേഷൻ അംഗങ്ങൾക്ക്  'സർഗം സംഗീത നിശ'യിൽ സൗജന്യ പ്രവേശനം അനുവദിക്കുന്നതാണ്.
കൂടുതൽ വിവരങ്ങൾക്ക് സജീവ് ദിവാകരൻ (07877902457), വിത്സി പ്രിൻസൺ (07450921739), പ്രവീൺ തോട്ടത്തിൽ (07917990879) എന്നിവരെ ബന്ധപ്പെടാം.