ലണ്ടൻ റീജനൽ ബൈബിൾ കൺവൻഷൻ ഡിസംബർ 21ന്

ലണ്ടൻ ∙ ഗ്രേറ്റ് ബ്രിട്ടൻ സിറോമലബാർ എപ്പാർക്കി ലണ്ടൻ റീജനൽ ഇവാഞ്ചലൈസേഷൻ കമ്മിഷന്റെ നേതൃത്വത്തിൽ ഡിസംബർ 21ന് ബൈബിൾ കൺവൻഷൻ സംഘടിപ്പിക്കുന്നു. ഗ്രേറ്റ് ബ്രിട്ടൻ രൂപതയുടെ അഭിവന്ദ്യ അധ്യക്ഷൻ ജോസഫ് സ്രാമ്പിക്കൽ വിശുദ്ധ ബലി അർപ്പിച്ചു സന്ദേശം നൽകും. എപ്പാർക്കി പാസ്റ്ററൽ കോർഡിനേറ്റർ റവ.ഡോ.ടോം ഓലിക്കരോട്ട് ബൈബിൾ കൺവൻഷനിൽ മുഖ്യ പ്രഭാഷണം നടത്തും.  

ഗ്രേറ്റ് ബ്രിട്ടൻ എപ്പാർക്കി യൂത്ത് ആൻഡ് മൈഗ്രന്റ് കമ്മിഷൻ ഡയറക്ടറും, ലണ്ടൻ റീജനൽ ഇവാഞ്ചലൈസേഷൻ ഡയറക്ടറുമായ ഫാ.ജോസഫ് മുക്കാട്ട് തിരുവചന സന്ദേശം പങ്കുവയ്ക്കുകയും, സഹകാർമികത്വം വഹിക്കുകയും ചെയ്യും. കമ്മിഷൻ ചെയർപേഴ്സണും, കൗൺസിലറുമായ സിസ്റ്റര്‍ ആന്‍ മരിയ എസ്എച്ച് സന്ദേശങ്ങള്‍ പങ്കുവയ്ക്കുകയും, സ്പിരിച്ച്വൽ ഷെയറിങ്ങിന് നേതൃത്വം നൽകുകയും ചെയ്യും.

ബൈബിൾ കൺവൻഷനിൽ കുമ്പസാരത്തിനും, സ്പിരിച്യുൽ ഷെയറിങ്ങിനുമുള്ള സൗകര്യം ഉണ്ടായിരിക്കും. കുട്ടികൾക്കായി പ്രത്യേക ശുശ്രുഷകൾ നടത്തും. കൂടുതല്‍ വിവരങ്ങള്‍ക്ക് മനോജ് തയ്യിൽ (07848 808550), മാത്തച്ചൻ വിളങ്ങാടൻ (07915 602258) എന്നിവരെ ബന്ധപ്പെടുക.