വേൾഡ് മലയാളി കൗൺസിൽ യൂറോപ്പ് റീജൻ കേരളപ്പിറവി ആഘോഷിച്ചു

ലണ്ടൻ∙ ആഗോളതലത്തിൽ പ്രവാസി മലയാളികൾക്കായി വേൾഡ് മലയാളി കൗൺസിൽ യൂറോപ്പ് റീജൻ നടത്തിയ കലാസാംസ്കാരിക വേദിയുടെ 18–ാം സമ്മേളനം വെർച്വലായി കേരളപിറവി ആഘോഷിച്ചു. പ്രഫസർ എം. കെ. സാനു മുഖ്യപ്രഭാഷണം നടത്തി. കേരളത്തിൽ നിന്നും കൂടുതൽ ചെറുപ്പക്കാർ വിദേശങ്ങളിലേക്ക് ചേക്കേറുന്നതിനാൽ പത്തുവർഷത്തിനകം കേരളം വൃദ്ധന്മാരുടെയും അന്യദേശക്കാരുടേയും നാടായി മാറുമെന്നും അങ്ങനെ സംഭവിക്കാതിരിക്കണമെങ്കിൽ പ്രവാസി മലയാളികളുടെ ജാഗ്രത പിറന്ന മണ്ണിനോടുണ്ടാകണമെന്നും അദ്ദേഹം ഉദ്ബോധിപ്പിച്ചു.  സോബിച്ചൻ ചേന്നങ്കരയുടെ ഈശ്വര പ്രാർത്ഥനയോടെയാണ് ആഘോഷത്തിന് തുടക്കമായത്. വേൾഡ് മലയാളി കൗൺസിൽ യൂറോപ്പ് റീജൻ പ്രസിഡന്റ് ജോളി എം. പടയാട്ടിൽ  സ്വാഗതം ആശംസിച്ചു. 

വേൾഡ് മലയാളി കൗൺസിൽ ഗ്ലോബൽ ചെയർമാൻ ഗോപാലപിള്ള, ഗ്ലോബൽ ജനറൽ സെക്രട്ടറി ക്രിസ്റ്റോഫ് വർഗീസ്, യൂറോപ്യൻ ചെയർമാൻ ജോളി തടത്തിൽ എന്നിവർ കേരള പിറവി ആശംസകൾ നേർന്നു. അന്ന് ജന്മദിനമായിരുന്ന ജോളി തടത്തിലിന് എല്ലാവരും ജന്മദിനാശംസകൾ നേർന്നു. ഗ്ലോബൽ വൈസ് ചെയർമാൻ ഗ്രിഗറി മേടയിൽ, വേൾഡ് മലയാളി കൗൺസിൽ ഗ്ലോബൽ ഹെൽത്ത് ആന്‍റ് മെഡിക്കൽ ഫോറം പ്രസിഡന്‍റ് ഡോ. ജിമ്മി ലോനപ്പൻ മൊയ്‌ലൻ, ഗ്ലോബൽ വുമൻസ് ഫോറം പ്രസിഡന്‍റ് പ്രഫസർ ഡോ. ലളിത മാത്യു, അമേരിക്കൻ റീജൻ പ്രസിഡന്‍റ് ജോൺസൻ തലശല്ലൂർ, ഇന്ത്യാ റീജൻ പ്രസിഡന്‍റ് ഡോ. പി. എം. നായർ ഐപിഎസ്, യൂറോപ്പ് റീജൻ വൈസ് പ്രസിഡന്‍റ് രാജു കുന്നക്കാട്ട്, സെക്രട്ടറി ബാബു തോട്ടപ്പിള്ളി, യുകെ പ്രൊവിൻസ് പ്രസിഡന്‍റ് സൈബിൻ പാലാട്ടി, യുകെ നോർത്ത് വെസ്റ്റ് പ്രൊവിൻസ് പ്രസിഡന്‍റ് സെബാസ്റ്റ്യൻ ജോസഫ്, ജർമൻ പ്രൊവിൻസ് ജനറൽ സെക്രട്ടറി ചിനു പടയാട്ടിൽ, ജർമൻ പ്രൊവിൻസ് ചെയർമാൻ ബാബു ചെമ്പകത്തിനാൽ എന്നിവർ ആശംസകൾ നേർന്നു സംസാരിച്ചു.

ഡോ. അജി അബ്ദുള്ള ടെക്സസ് പ്രൊവിൻസ് പ്രസിഡന്‍റ്, ആൻസി തലശല്ലൂർ, സാഹിത്യകാരൻ കാരൂർ സോമൻ, എഴുത്തുകാരനായ ഡോ. ജോർജ് കാളിയാടൻ, ജോഹാന സുനിൽ, ശശി നായർ, ഡോ. സേതുമാധവൻ തുടങ്ങിയവരുടെ സജീവ സാന്നിദ്ധ്യം വേദിയിലുണ്ടായിരുന്നു. അമേരിക്കൻ റീജനിലെ പ്രമുഖ ഗായകരായ ജോൺസൻ, ആൻസി തലശല്ലൂർ, യൂറോപ്പിലെ പ്രമുഖ ഗായകരായ ജോസ് കവലച്ചിറ, സോബിച്ചൻ ചേന്നങ്കര, എബി കുരിയാക്കോസ്, ശ്രീജ ഷിൽഡ്‌കാംമ്പ് തുടങ്ങിയവർ ഗാനങ്ങൾ ആലപിച്ചു.

 അമേരിക്കൻ റീജനിൽ നിന്നുള്ള നർത്തകിമാരായ അമ്പിളി ടോം, ജോസ്‌ലിൻ സെബാസ്റ്റ്യൻ, ജൂലിയറ്റ് ജോസഫ്, രോഹിണി നായർ, ഐർലണ്ടിൽ നിന്നുള്ള ടീന വിമൽ, മൻജു റിന്‍റോ, ജിൻസി മനു, ലിൻജു അരുൺ, സുജി ഷെറോയി, നീതു ജോയി, രേവതി രൻജു, ഫിജിൻ സാവിയോ എന്നിവരുടെ നൃത്തവും യൂറോപ്പിൽ നിന്നുള്ള ജിബിയ ബേബി, ജോർളി ചിറ്റിലപ്പിള്ളി, ഗ്രീഷ്മ കൊച്ചേട്ടു, ഇഷാനി ചിറയത്ത്, സോൺജ മേമ്പൂർ, സൗമ്യ ജോസി എന്നിവരുടെ തിരുവാതിരയും അപൂർവ്വ മനോഹരമായി.

വേൾഡ് മലയാളി കൗൺസിൽ ഗ്ലോബൽ വൈസ് ചെയർമാൻ ഗ്രിഗറി മേടയിലും  നർത്തകി അന്ന ടോമും ചേർന്നാണ് ഈ കലാ സാംസ്കാരിക വേദി മോഡറേഷൻ ചെയ്തത്. കംപ്യൂട്ടർ എൻജിനീയറായ നിതീഷ് ഡേവീസ് ആണ് ടെക്നിക്കൽ സപ്പോർട്ട് നൽകിയത്. വേൾഡ് മലയാളി കൗൺസിൽ യൂറോപ്പ് റീജൻ ട്രഷറർ ഷൈബു ജോസഫ് കൃതജ്ഞത പറഞ്ഞു. ലോകത്തിന്റെ വിവിധ ഭാഗങ്ങളിലുള്ള മലയാളികൾക്കായി എല്ലാ മാസത്തിന്റേയും അവസാനത്തെ ശനിയാഴ്ച വേൾഡ് മലയാളി കൗൺസിൽ യൂറോപ്പ് റീജൻ ഒരുക്കുന്ന ഈ കലാ സാംസ്കാരിക വേദിയുടെ അടുത്ത സമ്മേളനം മാർച്ച് 29–ാം തീയതി ഉച്ചകഴിഞ്ഞ് മൂന്നു മണിക്ക് (UK time) വെർച്ചൽ പ്ലാറ്റ്ഫോമിലൂടെ നടക്കുന്നതാണ്.