കോഴിക്കോട് വിമാനം ഇറക്കിയത് തിരുവനന്തപുരത്ത്; ഇടഞ്ഞ് പൈലറ്റ്, പ്രതിഷേധിച്ച് യാത്രക്കാർ

തിരുവനന്തപുരം ∙ മസ്കത്തിൽനിന്നു കോഴിക്കോട്ടേക്കുള്ള എയർ ഇന്ത്യ എക്സ്പ്രസ് വിമാനം വഴിതിരിച്ചുവിട്ടു. തിരുവനന്തപുരത്തെത്തിയപ്പോൾ ജോലി സമയം തീർന്നുവെന്നു ചൂണ്ടിക്കാട്ടി പൈലറ്റുമാർ ഇറങ്ങിപ്പോയി.

പകരം പൈലറ്റുമാരെ സംഘടിപ്പിക്കാൻ വൈകിയതോടെ യാത്രക്കാർ വിമാനത്തിൽ പ്രതിഷേധിച്ചു. എയർ ഇന്ത്യ ജീവനക്കാരെത്തി ഭക്ഷണവും വെള്ളവും നൽകി യാത്രക്കാരെ അനുനയിപ്പിച്ചു. 4 മണിയോടെ പുതിയ പൈലറ്റുമാരെ വരുത്തിയാണു വിമാനം കോഴിക്കോട്ടേക്കു തിരിച്ചുവിട്ടത്.

ആശങ്കയോടെ പ്രവാസികൾ

അബുദാബി ∙ പ്രളയക്കെടുതിയിൽ വിറങ്ങലിച്ച ബന്ധുക്കളെയോർത്ത് വേവലാതിയോടെ പ്രവാസികൾ. പലർക്കും കുടുംബങ്ങളുമായി ബന്ധപ്പെടാൻ സാധിക്കാത്തതു പ്രയാസം ഇരട്ടിപ്പിച്ചു. വീടുകൾ വെള്ളത്തിൽ മുങ്ങിയതും മറ്റും പ്രവാസികളെ ആശങ്കയിലാക്കുന്നുണ്ട്.