കേരളത്തിന് ഷാർജ മലയാളി കൂട്ടായ്മയുടെ കൈത്താങ്ങ്

ഷാർജ ∙ നാട്ടിൽ കോവിഡ് വ്യാപനം രൂക്ഷമായ അവസ്ഥയിൽ സഹായ ഹസ്തവുമായി ഷാർജമലയാളി കൂട്ടായ്മ വീണ്ടും. കേരളത്തിലേക്ക് ഓക്സിമീറ്റർ എത്തിക്കാനുള്ള ശ്രമത്തിലാണ് കൂട്ടായ്മ. അംഗങ്ങൾ അഭ്യുദയകാംക്ഷികൾ, സ്ഥാപനങ്ങൾ എന്നിവരിൽ നിന്നും ഓക്സിമീറ്ററുകൾ ശേഖരിച്ച് നാട്ടിലേക്കു പോകുന്നവരുടെ കൈവശം കൊടുത്തയക്കുവാനും നാട്ടിലുള്ള അംഗങ്ങൾ, ജന പ്രതിനിധികൾ എന്നിവർ വഴി പ്രാദേശിക തലത്തിൽ അത്യാവശ്യക്കാരിലേക്കും ആരോഗ്യ പ്രവർത്തകരിലേക്കും എത്തിക്കാനുമാണു തീരുമാനിച്ചിരിക്കുന്നത്.  ഈ ക്യാംപെയിനുമായി സഹകരിക്കാൻ താല്പര്യമുള്ളവർ ബന്ധപ്പെടുക: 0529014075/ 0554678077.