കുവൈത്ത് വിമാനത്താവളത്തിലെ രണ്ടാം ടെർമിനലിൽ തീപിടിത്തം

കുവൈത്ത് സിറ്റി∙ കുവൈത്ത് രാജ്യാന്തര വിമാനത്താവളത്തിൽ നിർമാണത്തിരിക്കുന്ന രണ്ടാം ടെർമിനലിൽ അഗ്നിബാധ. ഭൂഗർഭ നിലയിൽ ഉണ്ടായ തീപിടിത്തം ഒന്നാം നിലയിലേക്കു വരെ പടർന്നു. 6 അഗ്നിരക്ഷായൂണിറ്റിലെ 150 ഉദ്യോഗസ്ഥർ ചേർന്ന് തീയണച്ചു. ആളപായമില്ല. നാശനഷ്ടം കണക്കാക്കിവരുന്നു. ഇന്നലെ പുലർച്ചെ 5.30നായിരുന്നു സംഭവം. ചില വിമാനങ്ങൾ വൈകിയതൊഴിച്ചാൽ വ്യോമഗതാഗതത്തെ ബാധിച്ചിട്ടില്ലെന്ന് സിവിൽ ഏവിയേഷൻ അറിയിച്ചു.