ഇസ്രയേൽ സർവീസുമായി എമിറേറ്റ്സ് യാത്രാവിമാനം

ദുബായ്∙ ഇസ്രയേലിലേക്ക് എമിറേറ്റ്സിന്റെ ആദ്യ യാത്രാ വിമാനം പറന്നു. ഇന്നലെ പ്രാദേശിക സമയം 12.20ന് ആണ് നയതന്ത്ര പ്രതിനിധികളും മാധ്യമ പ്രവർത്തകരും അടക്കം 335 യാത്രക്കാരുമായി വിമാനം ടെൽ അവീവിലേക്ക് തിരിച്ചത്.

ഇനി മുതൽ ദിവസേന എമിറേറ്റ്സിന്റെ വിമാന സർവീസ് ഇരു രാജ്യങ്ങളിലേക്കും ഉണ്ടാകും. ബോയിങ് 777 ഗെയിംചേഞ്ചർ ആഢംബര വിമാനമാണ് ഉദ്ഘാടന സർവീസിനായി ഉപയോഗിച്ചത്.

പ്രൈവറ്റ് സ്വീറ്റ്സും ബിസിനസ് ക്ലാസും എടക്കം 350 സീറ്റുള്ള ബോയിങ് 777–300 ഇആർ വിമാനമാണ് ദൈനംദിന സർവീസിന് ഉപയോഗിക്കുക.