ചാൾസ് മൂന്നാമന്റെ കിരീട ധാരണം: പങ്കെടുക്കാൻ അമീർ ലണ്ടനിൽ

ദോഹ∙ ശനിയാഴ്ച ലണ്ടനിൽ നടക്കുന്ന ചാൾസ് മൂന്നാമൻ രാജകുമാരന്റെ കിരീട ധാരണ ചടങ്ങിൽ അമീർ ഷെയ്ഖ് തമീം ബിൻ ഹമദ് അൽതാനി പങ്കെടുക്കും. ഇന്നലെ തന്നെ അമീറും സംഘവും ലണ്ടനില്‍ എത്തിയിരുന്നു. വെസ്റ്റ്മിൻസ്റ്റർ ആബിയിലാണ് ചടങ്ങുകൾ.

ബ്രിട്ടിഷ് പ്രധാനമന്ത്രി ഋഷി സുനകുമായും അമീർ കൂടിക്കാഴ്ച നടത്തും. നാഷനൽ കൺവൻഷൻ സെന്ററിൽ ഖത്തർ ഫിൽഹാർമോണിക് ഓർക്കസ്ട്രയുടെ സംഗീത പരിപാടിയോടെയാണ് ദോഹയിലെ ആഘോഷങ്ങൾക്ക് തുടക്കമായത്.

ശനിയാഴ്ച വിവിധ ഭാഗങ്ങളിൽ കിരീടധാരണ ചടങ്ങുകളുടെ ലൈവ് സംപ്രേഷണവും ഉണ്ടാകും. ദോഹയിലെ ബ്രിട്ടിഷ് എംബസിയുടെ സഹകരണത്തോടെയാണ് ആഘോഷങ്ങൾ.