ലക്ഷാധിപതികളേ നിങ്ങൾ എവിടെയാണ് ? കാത്തിരിക്കുന്നത് 2 ലക്ഷം ദിർഹം

അബുദാബി∙ ബിഗ് ടിക്കറ്റ് വാരാന്ത്യ നറുക്കെടുപ്പിലെ 2 ഭാഗ്യശാലികൾ ഇതുവരെ എത്തിയിട്ടില്ല.  ജൂൺ നാലാം വാരത്തിലെ നറുക്കെടുപ്പിൽ ഒരു ലക്ഷം ദിർഹം (22.3 ലക്ഷം രൂപ) വീതം ലഭിച്ച അജിത് കുമാർ (279888), മുഹമ്മദ് ഹനീഫ് (262224) എന്നിവരാണ് കാണാമറയത്തുള്ളത്.

സമ്മാനം പ്രഖ്യാപിച്ച് 2 ആഴ്ച പിന്നിട്ടിട്ടും ഇവരെ ഫോണിൽ ലഭിക്കുകയോ വിജയികൾ ബിഗ് ടിക്കറ്റുമായി ബന്ധപ്പെടുകയോ ചെയ്തിട്ടില്ലെന്നും പറഞ്ഞു.

വിജയികൾ എത്രയും വേഗം ബന്ധപ്പെട്ട് സമ്മാനത്തുക കൈപ്പറ്റണം. ഇവരെക്കുറിച്ച് അറിയുന്നവർ വിവരം ബിഗ് ടിക്കറ്റിനെ അറിയിക്കണമെന്നും അഭ്യർഥിച്ചു.

English Summary: Abu Dhabi Big Ticket launches search for missing Dh100,000 winners.