12 ദിവസം മുമ്പ് ഹൗസ് ഡ്രൈവറായി ദമാമിലെത്തിയ കോഴിക്കോട് സ്വദേശി അന്തരിച്ചു

ദമാം∙ 12 ദിവസം മുമ്പ് ഹൗസ് ഡ്രൈവറായി പുതിയ വീസയിൽ ദമാമിലെത്തിയ കോഴിക്കോട് സ്വദേശി അന്തരിച്ചു. കോഴിക്കോട് തച്ചംപൊയിൽ വാടിക്കൽ അബ്ദുൽ റഷീദ്  (41) ആണ് ദമാമിൽ മരിച്ചത്. മൂന്നു ദിവസത്തിലധികമായി ഇദ്ദേഹത്തെ കുറിച്ച് ഒരു വിവരവും ലഭിക്കാത്തതിനെ തുടർന്ന് ഭാര്യ സ്പോൺസറെ ബന്ധപ്പെടുകയും തുടർന്ന് റൂം തുറന്നു നോക്കിയപ്പോൾ മരിച്ചു കിടക്കുന്നതാണ് കണ്ടത്.

ഹൃദയ സ്തംഭനമാണ് മരണ കാരണം. മൃതദേഹം ദമാമിൽ മറവ് ചെയ്യുന്നതിനു വേണ്ടിയുള്ള നടപടി ക്രമങ്ങൾ കെഎംസിസി ജീവകാരുണ്യ വിഭാഗം ചെയ്തു വരുന്നു. ഭാര്യ സഈദ. മക്കൾ: ഹാദിൽ മുബാറക് (ദുബൈ മദീന സൂപ്പർ മാർക്കറ്റ് ) ഷാമിൽ മുബാറക്, സിയാജബിൻ.

English Summary: Expat died in Saudi