രണ്ട് ഗുരുതര രോഗികളെ നാട്ടിലെത്തിച്ച് കോൺസുലേറ്റ്

ദുബായ്∙ ഗുരുതര രോഗങ്ങളെ തുടർന്ന് ചികിൽസയിൽ കഴിഞ്ഞിരുന്ന രണ്ടു മലയാളികളെ ദുബായ് ഇന്ത്യൻ കോൺസുലേറ്റ് കേരളത്തിൽ എത്തിച്ചു. അജ്മാനിൽ കഴിഞ്ഞ 6 മാസമായി ചികിത്സയിൽ കഴിഞ്ഞിരുന്ന ആളെ കോട്ടയം മെഡിക്കൽ കോളജ് ആശുപത്രിയിലേക്കു മാറ്റി. ഡോക്ടറിന്റെയും നഴ്സിന്റെയും അകമ്പടിയിൽ എയർ ലിഫ്റ്റ് ചെയ്താണ് രോഗിയെ കേരളത്തിൽ എത്തിച്ചത്. ഹൃദയാഘാതത്തെ തുടർന്നു റാഖ് ആശുപത്രിയിൽ ചികിൽസയിലായിരുന്നയാളെ ശ്രീചിത്തിര ഇൻസ്റ്റിറ്റ്യൂട്ടിൽ പ്രവേശിപ്പിച്ചു. ഡോക്ടർ അടക്കം മെഡിക്കൽ സംഘം രോഗിയെ അനുഗമിച്ചു. സാമൂഹിക പ്രവർത്തകരുടെ സഹകരണത്തോടെയാണ് ഇന്ത്യൻ കോൺസുലേറ്റ് രക്ഷാദൗത്യം പൂർത്തിയാക്കിയത്.

English Summary: Dubai Indian Consulate brought two malayalis to Kerala.