സൗദിയിൽ ഓടിക്കൊണ്ടിരുന്ന സ്‌കൂൾ ബസിന് തീപിടിച്ചു; ഡ്രൈവറുടെ ഇടപെടലിൽ വിദ്യാർഥിനികൾ രക്ഷപ്പെട്ടു

അൽഹസ∙ ഓടിക്കൊണ്ടിരുന്ന സ്‌കൂൾ ബസിന് തീപിടിച്ചു. ബസിലുണ്ടായിരുന്ന വിദ്യാർഥിനികൾ രക്ഷപ്പെട്ടു. ആർക്കും പരുക്കില്ലെന്ന് അധികൃതർ വ്യക്തമാക്കി. ഇലക്ട്രിക് ഷോർട്ട് സർക്യൂട്ടാണ് അപകടത്തിന് കാരണം.

അൽ ഹസയിൽ സ്‌കൂൾ കഴിഞ്ഞ് വിദ്യാർഥിനികളെയുമായി തിരിച്ചുപോകുകയായിരുന്ന ബസാണ് അപകടത്തിൽ പെട്ടത്. പുറത്തെ കൊടുംചൂടും അതിനിടയിലുണ്ടായ ഇലക്ട്രിക് ഷോർട്ട് സർക്യൂട്ടുമാണ്  അപകടത്തിന് കാരണമെന്ന് അധികൃതർ അറിയിച്ചു. ബസിൽ തീ കണ്ട ഉടൻ തന്നെ ഡ്രൈവർ ബസ് നിർത്തി മുഴുവൻ വിദ്യാർഥിനികളെയും പുറത്തെത്തിച്ചു.

English Summary:  A running school bus caught fire in Al Hassa.