എയർ അറേബ്യ റാസൽഖൈമ – കോഴിക്കോട് പുതിയ സർവീസ് 22 മുതൽ; പ്രവാസി മലയാളികൾക്ക് ഏറെ ഗുണകരം
Mail This Article
×
റാസൽഖൈമ ∙ എയർ അറേബ്യ നവംബർ 22ന് റാസൽഖൈമയിൽനിന്ന് കോഴിക്കോട്ടേക്ക് പുതിയ വിമാന സർവീസ് ആരംഭിക്കുന്നു. ബുധൻ, വെള്ളി, ഞായർ ദിവസങ്ങളിൽ ആഴ്ചയിൽ 3 വിമാന സർവീസാണ് ഉണ്ടാവുക. പ്രാദേശിക സമയം ഉച്ചയ്ക്ക് 2.10ന് പുറപ്പെടുന്ന വിമാനം രാത്രി 8.10ന് കരിപ്പൂരിൽ ഇറങ്ങും. തിരിച്ച് കോഴിക്കോടുനിന്ന് 8.50ന് പുറപ്പെട്ട് റാസൽഖൈമയിൽ രാത്രി 11.25ന് ഇറങ്ങും.
വടക്കൻ എമിറേറ്റിലുള്ള പ്രവാസി ഇന്ത്യക്കാർക്കും യുഎഇയിൽ നിന്നുള്ള വിനോദ സഞ്ചാരികൾക്കും നേരിട്ടുള്ള വിമാന സർവീസ് ഗുണകരമാകുമെന്ന് എയർ അറേബ്യ സിഇഒ ആദിൽ അൽ അലി പറഞ്ഞു. എയർ അറേബ്യ റാസൽഖൈമയിൽനിന്ന് 2014 മുതൽ മറ്റു സെക്ടറുകളിലേക്ക് സർവീസ് നടത്തുന്നു. നിലവിൽ ഷാർജ, അബുദാബി, റാസൽഖൈമ വിമാനത്താവളങ്ങൾ കേന്ദ്രീകരിച്ചാണ് സർവീസുകൾ.
English Summary:
Air Arabia starts new flight service from Ras Al Khaimah to Kozhikode
ഇവിടെ പോസ്റ്റു ചെയ്യുന്ന അഭിപ്രായങ്ങൾ മലയാള മനോരമയുടേതല്ല. അഭിപ്രായങ്ങളുടെ പൂർണ ഉത്തരവാദിത്തം രചയിതാവിനായിരിക്കും. കേന്ദ്ര സർക്കാരിന്റെ ഐടി നയപ്രകാരം വ്യക്തി, സമുദായം, മതം, രാജ്യം എന്നിവയ്ക്കെതിരായി അധിക്ഷേപങ്ങളും അശ്ലീല പദപ്രയോഗങ്ങളും നടത്തുന്നത് ശിക്ഷാർഹമായ കുറ്റമാണ്. ഇത്തരം അഭിപ്രായ പ്രകടനത്തിന് നിയമനടപടി കൈക്കൊള്ളുന്നതാണ്.