ഹാജർ തട്ടിപ്പ്: 2 പേർക്ക് 7 വർഷം തടവ്, 3 കോടി പിഴ

കുവൈത്ത് സിറ്റി ∙ ജോലിക്ക് ഹാജരാകാതെ കൃത്രിമ ഹാജർ രേഖപ്പെടുത്തി 37,000 ദിനാർ (ഒരു കോടിയിലേറെ രൂപ) ശമ്പളം തട്ടിയെടുത്ത കേസിൽ സ്വദേശി സർക്കാർ ഉദ്യോഗസ്ഥനെ 7 വർഷത്തെ തടവിനു ശിക്ഷിച്ചു.

ഇയാൾക്കുവേണ്ടി കൃത്രിമ ഹാജർ രേഖപ്പെടുത്തിയ വിദേശിക്കും സമാന ശിക്ഷയുണ്ട്. കൃത്രിമ വിരലടയാളം, ജോബ് ഫയൽ നമ്പർ, പാസ്‌വേഡ് എന്നിവ ഉപയോഗിച്ചായിരുന്നു തട്ടിപ്പ്. തടവിനു പുറമേ ഇരുവരും ചേർന്ന് 1,13,000 ദിനാർ (3 കോടിയിലേറെ രൂപ) പിഴ അടയ്ക്കാനും ഉത്തരവിട്ടിട്ടുണ്ട്.