നമ്പർ പ്ലേറ്റ് ലേലം: ദുബായ് ആർടി‌എയ്ക്ക് വരുമാനം 5.1 കോടി ദിർഹം

ദുബായ് ∙ വാഹന നമ്പർ പ്ലേറ്റ് ലേലത്തിലൂടെ ദുബായ് റോഡ്‌സ് ആൻഡ് ട്രാൻസ്‌പോർട്ട് അതോറിറ്റി (ആർ‌ടി‌എ) 5.1 കോടി ദിർഹം സമാഹരിച്ചു. എഎ30 എന്ന നമ്പർ പ്ലേറ്റാണ് ഏറ്റവും കൂടിയ തുകയ്ക്ക് (45.4 ലക്ഷം ദിർഹം) ലേലം വിളിച്ചെടുത്തത്. ഒ48 എന്ന നമ്പർ 24.8 ലക്ഷം ദിർഹത്തിനും എഎ555 25.6 ലക്ഷം ദിർഹത്തിനുമാണ് ലേലം ചെയ്തത്. ടി64 24 ലക്ഷം ദിർഹത്തിനും ക്യു66666 16.1 ലക്ഷം ദിർഹത്തിനുമാണ് ലേലം ചെയ്തത്. രണ്ട്, മൂന്ന്, നാല്, അഞ്ച് അക്ക വിഭാഗങ്ങൾ ഉൾപ്പെടെ 90 ഫാൻസി നമ്പർ പ്ലേറ്റുകൾ ലേലം ചെയ്തു.