വെള്ളിയാഴ്ച മെട്രോ, ലുസെയ്ൽ ട്രാം സർവീസ് രാവിലെ 10 മുതൽ

ദോഹ ∙ എഎഫ്‌സി ഏഷ്യൻ കപ്പ് മത്സരങ്ങൾ നടക്കുന്നതിനാൽ വെള്ളിയാഴ്ച ദോഹ മെട്രോ, ലുസെയ്ൽ ട്രാം സർവീസുകൾ രാവിലെ 10 മുതൽ ആരംഭിക്കും.ഈ വെള്ളിയാഴ്ച ഏഷ്യൻ കപ്പിൽ 3 മത്സരങ്ങൾ നടക്കും. ഉച്ചയ്ക്ക് 2.30ന് എജ്യൂക്കേഷൻ സിറ്റി സ്റ്റേഡിയത്തിൽ ഇറാഖ് - ജപ്പാൻ മത്സരങ്ങളോടെയാണ് പോരാട്ടങ്ങൾക്ക് തുടക്കം. മത്സര ടിക്കറ്റ് ഉടമകൾക്ക് ദോഹ മെട്രോയിൽ മത്സര ദിനങ്ങളിൽ യാത്ര സൗജന്യമാണ്. ഇതിനുള്ള ഡേ പാസ് ആരാധകർക്ക് എല്ലാ മെട്രോ സ്‌റ്റേഷനുകളിൽ നിന്ന് ലഭിക്കും.

ഒറ്റ ദിവസമാണ് ഡേ പാസിന്റെ കാലാവധി. സ്റ്റേഷനിലെ ക്യൂ ഒഴിവാക്കാൻ ആരാധകർ മത്സരദിനത്തിന് മുൻപു തന്നെ ഡേ പാസ് വാങ്ങണമെന്നും അധികൃതർ പറഞ്ഞു.