യുഎഇയിൽ വീണ്ടും പെട്രോൾ വില കൂട്ടി

അബുദാബി ∙ യുഎഇയിൽ തുടർച്ചയായ  മൂന്നാമത്തെ മാസവും പെട്രോൾ വില    വർധിപ്പിച്ചു. 12 ഫിൽസ് വരെയാണ് വർധിച്ചത്. ഇതോടെ പെട്രോളിന് 6 മാസത്തെ ഏറ്റവും ഉയർന്ന നിരക്കായി. എന്നാൽ ഡീസലിന് 7 ഫിൽസ് കുറച്ചു.  രാജ്യാന്തര എണ്ണവിലയിലെ വ്യതിയാനമാണ് പ്രാദേശിക വിപണിയിൽ പ്രതിഫലിച്ചത്. വില വർധന പുലർച്ചെ മുതൽ പ്രാബല്യത്തിൽ വന്നു. പുതുക്കിയ നിരക്ക്: (പഴയ നിരക്ക് ബ്രാക്കറ്റിൽ). 
പെട്രോൾ (ലീറ്ററിന്)
സൂപ്പർ 98 – 3.15 ദിർഹം (3.03)
സ്പെഷൽ 95 – 3.03 ദിർഹം (2.92)
ഇ–പ്ലസ് – 2.96 ദിർഹം (2.85) 
ഡീസൽ (ലീറ്ററിന്)
3.09 ദിർഹം (3.16)