പെരുന്നാൾ ആഘോഷത്തിനിടെ പരുക്കേറ്റത് 38 പേർക്ക്

ജിദ്ദ ∙  പെരുന്നാൾ ആഘോഷത്തിന് പടക്കം പൊട്ടിക്കുന്നതിനിടെ അപകടത്തിൽപ്പെട്ട് 38 പേരെ പരുക്കുകളോടെ ആശുപത്രികളിൽ പ്രവേശിപ്പിച്ചതായി ആരോഗ്യ മന്ത്രാലയം വെളിപ്പെടുത്തി. 15 വയസ്സിന് താഴെയുള്ള കുട്ടികളാണ് ഇരകളിൽ ഭൂരിഭാഗവും എന്ന് മന്ത്രാലയം സ്ഥിരീകരിച്ചു.  പരുക്കുകൾ ഒഴിവാക്കാനും അവരുടെ ആരോഗ്യവും സുരക്ഷയും സംരക്ഷിക്കാനും പടക്കങ്ങൾ കുട്ടികളുടെ കൈകളിലെത്താൻ അനുവദിക്കരുതെന്ന് മന്ത്രാലയം ആവശ്യപ്പെട്ടു.