ഹജ് സേവനത്തിന് നാലായിരത്തോളം സന്നദ്ധ പ്രവർത്തകരെ നിയോഗിക്കാൻ സൗദി കെഎംസിസി ഹജ് സെൽ

റിയാദ് ∙ ഹജ് സേവനത്തിന് നാലായിരത്തോളം സന്നദ്ധ പ്രവർത്തകരെ രംഗത്തിറക്കാൻ സൗദി കെഎംസിസി ഹജ് സെൽ. റജിസ്ട്രേഷൻ കെഎംസിസി സൗദി നാഷനൽ കമ്മിറ്റി പ്രസിഡന്റ് കുഞ്ഞിമോൻ കാക്കിയ ഉദ്ഘാടനം ചെയ്തു. ജിദ്ദ, മക്ക, മദീന ഉൾപ്പടെ രാജ്യത്തുള്ള മുപ്പത്തി ആറ് സെൻട്രൽ കമ്മിറ്റികളിൽ നിന്നും റജിസ്ട്രേഷൻ വരും ദിവസങ്ങളിൽ പൂർത്തിയാക്കും. കെഎംസിസി ഹജ് സെല്ലിന്റെ മേൽനോട്ടത്തിൽ ജിദ്ദയിലും മദീനയിലും തീർഥാടകർ വിമാനമിറങ്ങുന്നത് മുതൽ അവസാന ഹാജിയും മടങ്ങുന്നത് വരെ തീർഥാടകർക്ക് വഴികാട്ടികളായി കെഎംസിസിയുടെ പ്രവർത്തകർ സർവ സജ്ജരായി നിലകൊള്ളുമെന്ന് അദ്ദേഹം പറഞ്ഞു.