സൗദിയിൽ അറസ്റ്റിലായ കൂടുതൽ പേരും കുടിയേറ്റ നിയമലംഘകർ

റിയാദ് ∙ നിയമലംഘകരായ 19,662 പേർ സൗദിയിൽ ഒരാഴ്ചയ്ക്കിടെ അറസ്റ്റിലായി. ഇവരിൽ ഏറ്റവും കൂടുതൽ പേർ (12,436) താമസ കുടിയേറ്റനിയമം ലംഘിച്ചവരാണ്. അതിർത്തി നിയമം ലംഘിച്ച 4,464 പേരും തൊഴിൽ നിയമം ലംഘിച്ച 2,762 പേരും ഇവരിലുണ്ട്. 1,283 നുഴഞ്ഞുകയറ്റക്കാരും പിടിയിലായി.

നിയമലംഘകർക്ക് അഭയം നൽകുന്നവർക്ക് 15 വർഷം തടവും 10 ലക്ഷം റിയാൽ പിഴയുമാണ് ശിക്ഷ. കൂടാതെ വസ്തുവും വാഹനവും കണ്ടുകെട്ടുമെന്നും മുന്നറിയിപ്പുണ്ട്. നിയമലംഘകരെക്കുറിച്ച് അറിയുന്ന മക്ക, റിയാദ് പ്രദേശത്തുള്ളവർ 911 നമ്പറിലും മറ്റു മേഖലകളിലുള്ളവർ 999, 996 എന്നീ നമ്പറുകളിലും അറിയിക്കണമെന്ന് അധികൃതർ പറഞ്ഞു.