പതിമൂന്നാമത് മാമ്പഴ മഹോത്സവത്തിനു തുടക്കമായി

ജിദ്ദ ∙ മക്ക മേഖലയുടെ ഗവർണർ ഖാലിദ് അൽ ഫൈസൽ രാജകുമാരൻ്റെ രക്ഷാകർതൃത്വത്തിൽ പതിമൂന്നാമത് മാമ്പഴ മഹോത്സവത്തിൻ്റെ പ്രവർത്തനങ്ങൾക്ക് ഖുൻഫുദ തുടക്കം കുറിച്ചു. മികച്ച ഇനം മാമ്പഴങ്ങൾ വളർത്തുന്നതിൽ പ്രസിദ്ധമാണ് ഖുൻഫുദ. പ്രതിവർഷം 45,000 ടണ്ണിൽ കൂടുതൽ  മാമ്പഴം  ഉൽപ്പാദിപ്പിക്കുന്ന 3,000-ത്തിലധികം കർഷകർ ഇവിടെയുണ്ട്.

  കർഷകന് സർക്കാരിൽ നിന്ന് നിരന്തരം ലഭിക്കുന്ന പിന്തുണയുടെ വെളിച്ചത്തിൽ, വർഷം തോറും മാമ്പഴ കൃഷിയും ഉൽപാദനവും വർധിപ്പിക്കുന്നു എന്നത് ശ്രദ്ധേയമാണ്. കർഷകർക്ക് ഈ സീസണൽ പഴങ്ങൾ കൃഷി ചെയ്യുന്നത് പ്രായോഗികമാണെന്നും പരിചരണവും ശ്രദ്ധയും ഉള്ളപ്പോഴെല്ലാം നല്ല വരുമാനം കൊണ്ടുവരുമെന്നും കണ്ടെത്തിയിട്ടുണ്ട്. 50 വർഷം മുമ്പാണ് ഗവർണറേറ്റിൽ മാമ്പഴ കൃഷി ആരംഭിച്ചത്.