ഇ–വാഹന ചാർജിങ് വ്യാപിപ്പിക്കാൻ അഡ്നോക്

അബുദാബി ∙ ഇലക്ട്രിക് വാഹന ചാർജിങ് സംവിധാനം വ്യാപിപ്പിക്കാനൊരുങ്ങി ദേശീയ എണ്ണക്കമ്പനിയായ അഡ്നോക്. യുഎഇ, സൗദി, ഈജിപ്ത് എന്നിവിടങ്ങളിൽ 200 അതിവേഗം ചാർജിങ് പോയിന്റുകൾ സ്ഥാപിക്കാനാണ് പദ്ധതി. നിലവിൽ 90 ചാർജിങ് സ്റ്റേഷനുകളാണ് ഉള്ളത്. 5 വർഷത്തിനകം 500 എണ്ണം കൂടി സ്ഥാപിക്കും. 3 രാജ്യങ്ങളിലും കൂടി നിലവിൽ 840 ഇന്ധന കേന്ദ്രങ്ങളുണ്ട്. 5 വർഷത്തിനകം ഇവയുടെ എണ്ണം ആയിരമാക്കി വർധിപ്പിക്കുമെന്ന് അഡ്നോക് സിഇഒ ബദർ സഈദ് അൽ ലംകി പറഞ്ഞു.