ലാസ്യകലാ സന്ധ്യ ഈ മാസം 16ന്

അജ്മാന്‍ ∙ നൃത്താധ്യാപിക കലാമണ്ഡലം ജിഷ സുമേഷ് നേതൃത്വം നൽകുന്ന ലാസ്യകലാ സന്ധ്യ ഈ മാസം 16ന് അജ്‌മാൻ കൾച്ചറൽ സെന്ററിൽ നടക്കും. ഇത്തവണ മോഹിനിയാട്ടത്തിനു മുൻതൂക്കം നൽകും. ഭരതനാട്യത്തിൽ ആദി ശങ്കരാചാര്യർ, കുച്ചിപ്പുടിയിൽ തരംഗം എന്നിവ കൂടാതെ 'കണ്ണകി' എന്ന തമിഴ് കഥയുടെ മോഹിനിയാട്ട ആവിഷ്ക്കാരവമുണ്ടായിരിക്കും. കുട്ടികളുടെയും വനിതകളുടെയും നൃത്ത രംഗത്തേക്കുള്ള അരങ്ങേറ്റവും നടക്കും. 5 വയസ്സുള്ള കുട്ടികൾ മുതൽ 50 വയസ്സിനു മുകളിലുള്ള സ്ത്രീകൾ വരെയുള്ള അറുപതിലേറെ നർത്തകർ പങ്കെടുക്കും. പ്രവേശനം സൗജന്യമാണ്.