കുവൈത്ത് ദുരന്തം: 7 പേർ കൂടി ആശുപത്രി വിട്ടു

കുവൈത്ത് സിറ്റി ∙ കുവൈത്ത് അഹ്മദി ഗവർണറേറ്റിലെ മംഗഫിൽ തൊഴിലാളി പാർപ്പിടകേന്ദ്രത്തിലുണ്ടായ തീപിടിത്തത്തിൽ പരുക്കേറ്റ് ചികിത്സയിലായിരുന്ന 7 പേർ കൂടി ആശുപത്രി വിട്ടു. നിലവിൽ 24 പേരാണ് ആശുപത്രിയിൽ കഴിയുന്നത്. വെന്റിലേറ്ററിൽ കഴിയുന്ന ഇന്ത്യക്കാരനായ ജിതേന്ദ്ര സിങ്ങിന്റെയും ഫിലിപ്പീൻസുകാരനായ മൈക്കിൾ ഡിസൂസയുടെയും ആരോഗ്യനില മെച്ചപ്പെട്ടുവരുന്നുണ്ടെന്നും എല്ലാവരും അപകടനില തരണം ചെയ്തെന്നും കമ്പനി അധികൃതർ അറിയിച്ചു.