അബുദാബി ബിഗ് ടിക്കറ്റ് നറുക്കെടുപ്പിൽ ഇന്ത്യക്കാരന് 22 കോടിയിലേറെ രൂപ സമ്മാനം

അബുദാബി ∙ അബുദാബി ബിഗ് ടിക്കറ്റ് നറുക്കെടുപ്പിൽ ഇന്ത്യക്കാരന് 22 കോടിയിലേറെ രൂപ(10 ദശലക്ഷം ദിർഹം) സമ്മാനം. ദുബായിൽ താമസിക്കുന്ന റഈസുർ റഹ്മാനാണ് ജൂൺ 15-ന് വാങ്ങിയ  078319 എന്ന നമ്പർ ടിക്കറ്റിൽ ഭാഗ്യം ലഭിച്ചത്. മീറ്റിങ്ങിൽ പങ്കെടുത്തുകൊണ്ടിരുന്നതിനാൽ തത്സമയ നറുക്കെടുപ്പ് കാണാൻ സാധിച്ചില്ലെന്നും സന്തോഷം വിവരണാതീതമാണെന്നും റഈസുർ റഹ്മാൻ പറഞ്ഞു.

ബിഗ് ടിക്കറ്റ് അധികൃതരുടെ ഫോൺ കോൾ എടുക്കാൻ ഞാൻ കാർ നിർത്തി. നറുക്കെടുപ്പ് അവതാരകനായ റിചാർഡിന്‍റെ സുവർണ ശബ്ദം എനിക്കറിയാമായിരുന്നു. ഷോ അവതാരകരായ റിച്ചാർഡും ബൗച്രയും വിളിച്ചതിനെക്കുറിച്ച് ഇദ്ദേഹം പറഞ്ഞു. റഈസുർ റഹ്മാൻ കഴിഞ്ഞ ഒന്നര വർഷമായി തനിച്ചാണ് ടിക്കറ്റ് എടുക്കുന്നത്.