സന്ദർശകരുടെ മനം കവർന്ന് ജിദ്ദ സിയാൻ വാട്ടർപാർക്ക്
![cyan-waterpark-becomes-a-major-center-for-visitors-jeddah Image Credit: SPA](https://img-mm.manoramaonline.com/content/dam/mm/mo/global-malayali/gulf/images/2024/7/19/cyan-waterpark-jeddah2.jpg?w=1120&h=583)
Mail This Article
ജിദ്ദ ∙ ജിദ്ദ സീസൺ സന്ദർശകരുടെ ശ്രദ്ധാകേന്ദ്രമായി മാറുകയാണ് സിയാൻ വാട്ടർപാർക്ക് ജിദ്ദ. എല്ലാ പ്രായക്കാർക്കും രസകരവും വിശ്രമിക്കാനുമുള്ള അന്തരീക്ഷമാണ് ഇവിടെ ഒരുക്കിയിരിക്കുന്നത്. മധ്യപൂർവ്വയിലെ തന്നെ ഏറ്റവും വലിയ വാട്ടർപാർക്കുകളിൽ ഒന്നാണ് നോർത്ത് ഒബൂറിൽ സ്ഥിതി ചെയ്യുന്ന സിയാൻ. 110,000 ചതുരശ്ര മീറ്റർ വിസ്തൃതിയിൽ വ്യത്യസ്തങ്ങളായ ജല കളികൾ ആസ്വദിക്കാം.
![cyan-waterpark-jeddah3 Image Credit: SPA](https://img-mm.manoramaonline.com/content/dam/mm/mo/config-assets/mo-default.jpg)
വാട്ടർ സ്ലൈഡുകൾ, കുളങ്ങൾ, വിശ്രമിക്കാനുള്ള സ്ഥലങ്ങൾ, ക്യാബിൻ വാടക, കുടകൾ, പാഡിൽ ബോട്ടുകൾ, റസ്റ്ററന്റുകൾ, കഫേകൾ എന്നിവയെല്ലാം ഇവിടെ സജ്ജീകരിച്ചിരിക്കുന്നു. 18 മീറ്റർ ഉയരവും 150 മീറ്റർ നീളവുമുള്ള ഭീമാകാരമായ സ്ലൈഡ് പോലുള്ള ആവേശകരമായ റൈഡുകൾ മുതിർന്നവർക്കായി ഒരുക്കിയിട്ടുണ്ട്.
![cyan-waterpark-jeddah4 Image Credit: SPA](https://img-mm.manoramaonline.com/content/dam/mm/mo/config-assets/mo-default.jpg)
![cyan-waterpark-jeddah1 Image Credit: SPA](https://img-mm.manoramaonline.com/content/dam/mm/mo/config-assets/mo-default.jpg)
ജിദ്ദ സീസണിന്റെ ഭാഗമായി എല്ലാ പ്രായക്കാരുടെയും ഇഷ്ടങ്ങൾക്കും അനുയോജ്യമായ വിവിധ പരിപാടികളും സംഘടിപ്പിച്ചിട്ടുണ്ട്. ഡ്രോൺ ഷോകൾ, പടക്കങ്ങൾ, വിഷ്വൽ ഡിസ്പ്ലേകൾ, റോവിങ് പെർഫോമൻസുകൾ എന്നിവയും ഇതിൽ ഉൾപ്പെടുന്നു.