ഓർമ അൽഖൂസ് മേഖല വാർഷിക സമ്മേളനം

ദുബായ് ∙ ഓർമ അൽഖൂസ് മേഖലയുടെ വാർഷിക സമ്മേളനം പ്രവാസി ക്ഷേമനിധി ഡയറക്ടർ ബോർഡ്‌ അംഗം എൻ.കെ. കുഞ്ഞഹമ്മദ് ഉദ്ഘാടനം ചെയ്തു. എഴുത്തുകാരിയും പ്രഭാഷകയുമായ ജിൽന ജന്നത്ത്, ഓർമ പ്രസിഡന്റ് ഷിജു ബഷീർ, ശിഹാബ്, ജനറൽ സെക്രട്ടറി പ്രദീപ്‌ തോപ്പിൽ, മേഖലാ പ്രസിഡന്റ് നവാസ്, ‌അഭിലാഷ് എന്നിവർ പ്രസംഗിച്ചു. പ്രവാസം അവസാനിപ്പിച്ച് മടങ്ങുന്ന സി.കെ. മധുവിനു യാത്രയയപ്പ് നൽകി.

പുതിയ ഭാരവാഹികളായി സുഭാഷ് പൊന്നാനി (പ്രസി.), നവാസ് കുട്ടി (സെക്ര.), എം.രാജേഷ് (ജോ. സെക്ര.), ബബിത (വൈസ് പ്രസി.), അഭിലാഷ് (ട്രഷ.), ഷോൺ ജോസഫ് (ജോ. ട്രഷ.) എന്നിവരെ തിരഞ്ഞെടുത്തു.