ദുബായ് ടാക്‌സി കമ്പനി 2024 വാർഷിക വരുമാനത്തിൽ 14% വർധനവ് രേഖപ്പെടുത്തി

ദുബായ് ∙ ദുബായ് ടാക്‌സി കമ്പനി (ഡിടിസി) 2024 വാർഷിക വരുമാനത്തിൽ 14% വർധനവ് രേഖപ്പെടുത്തി 1.09 ബില്യൻ ദിർഹമായതായി അധികൃതർ അറിയിച്ചു. ആദ്യ പാദ സാമ്പത്തിക ഫലങ്ങൾ അനുസരിച്ചുള്ള കണക്കാണിത്.  ഡിടിസിയുടെ പ്രധാന ടാക്സി വിഭാഗത്തിൻ്റെ വരുമാനം വർഷം തോറും 12% വർധിച്ച് 939.0 ദശലക്ഷമായതായും റിപ്പോർട്ടിൽ പറയുന്നു.

2024 ആദ്യ പാദത്തിൽ ലിമോസിൻ വിഭാഗത്തിൻ്റെ വരുമാനം വർഷം തോറും 6% വർധിച്ച് 61.7 ദശലക്ഷം ദിർഹമായി. ഈ കാലയളവിൽ കമ്പനിയുടെ ടാക്‌സികളും ലിമോസിനുകളും 23 ദശലക്ഷം യാത്രകൾ പൂർത്തിയാക്കി. ഇത് വർഷം തോറും 4% വർധനവ് രേഖപ്പെടുത്തി. വർഷം തോറും വരുമാനം 26% വർധിച്ച് 72.0 ദശലക്ഷം ദിർഹത്തിലെത്തി. ബസ് വിഭാഗം മികച്ച വളർച്ച കൈവരിച്ചു. കമ്പനിയുടെ ബൈക്ക് വിഭാഗവും ഗണ്യമായി വളർന്നു, വരുമാനം വർഷം തോറും ഏകദേശം മൂന്നിരട്ടി വർധിച്ചു.

ഉയർന്ന നിരക്കിന് അനുസൃതമായി ഡിടിസിയുടെ ബോർഡ് വർഷത്തിൻ്റെ ആദ്യ പകുതിയിൽ 159.3 ദശലക്ഷം ദിർഹത്തിൻ്റെ ഡിവിഡൻ്റ് പേഔട്ടിന് അംഗീകാരം നൽകിയിട്ടുണ്ടെന്ന് സ്ഥിരീകരിക്കുന്നതിൽ സന്തോഷമുണ്ടെന്ന് കമ്പനിയുടെ 2024 ആദ്യ പാദ ഫലങ്ങളെക്കുറിച്ച് ഡിടിസി ചെയർമാൻ അബ്ദുൽ മുഹ്‌സെൻ ഇബ്രാഹിം കൽബത്ത് പറഞ്ഞു. 2024 ആദ്യ പാദത്തിൽ പുതിയ ടാക്സി ലൈസൻസുകൾ വിജയകരമായതിനെത്തുടർന്ന് മുൻവർഷത്തെ അപേക്ഷിച്ച് 294 വാഹനങ്ങൾ വർധിപ്പിച്ചു. ഇത് വിപണി നേതൃത്വത്തെ ദുബായുടെ ടാക്‌സി വിപണി വിഹിതത്തിൻ്റെ 45% ആയി കൂടുതൽ ഏകീകരിക്കാൻ പ്രാപ്തരാക്കിയതായി ഡിടിസി സിഇഒ മൻസൂർ റഹ്മ അൽഫലാസി പറഞ്ഞു.