നോർക്ക പ്രവാസി ബിസിനസ് ലോൺ ക്യാംപ് ആഗസ്റ്റ് 5 ന് തൃശൂരില്, ഇപ്പോള് റജിസ്റ്റര് ചെയ്യാം
![norka-canara-bank-pravasi-business-loan-camp-at-thrissur norka-canara-bank-pravasi-business-loan-camp-at-thrissur](https://img-mm.manoramaonline.com/content/dam/mm/mo/global-malayali/gulf/images/2024/7/26/norka-canara-bank-pravasi-business-loan-camp-at-thrissur.jpg?w=1120&h=583)
Mail This Article
തൃശൂര് ∙ തൃശൂര്, പാലക്കാട് ജില്ലകളിലെ പ്രവാസിസംരംഭകര്ക്കായി നോർക്ക റൂട്സും കാനറാ ബാങ്കും സംയുക്തമായി ആഗസ്റ്റ് 5ന് തൃശൂരില് പ്രവാസി ബിസിനസ് ലോൺ ക്യാംപ് സംഘടിപ്പിക്കുന്നു. നാട്ടില് തിരിച്ചെത്തിയ പ്രവാസികളുടെ പുനരധിവാസത്തിനായി സംസ്ഥാന സര്ക്കാര് നോര്ക്ക റൂട്ട്സ് വഴി നടപ്പിലാക്കുന്ന നോര്ക്ക ഡിപ്പാര്ട്മെന്റ് പ്രോജക്ട് ഫോര് റിട്ടേണ്ഡ് എമിഗ്രന്സ് അഥവ എന്ഡിപിആര്ഇഎം പദ്ധതി പ്രകാരമാണ് ക്യാംപ് രണ്ട് വർഷത്തിൽ കൂടുതൽ വിദേശത്തു ജോലിചെയ്തു നാട്ടിൽ സ്ഥിരതാമസമാക്കിയ പ്രവാസി കേരളീയർക്ക് സ്വയംതൊഴിൽ സംരംഭങ്ങൾ ആരംഭിക്കുന്നതിനും നിലവിലുള്ളവയുടെ വിപുലീകരണത്തിനും പ്രയോജനപ്പടുത്താം.
താല്പര്യമുള്ളവര് 24 മണിക്കൂറും പ്രവര്ത്തിക്കുന്ന നോര്ക്ക ഗ്ലോബല് കോണ്ടാക്ട് സെന്ററിന്റെ ടോള് ഫ്രീ നമ്പറുകളായ 1800 425 3939 (ഇന്ത്യയില് നിന്നും) +91-8802 012 345 (വിദേശത്തുനിന്നും, മിസ്ഡ് കോള് സർവീസ്) ബന്ധപ്പെട്ട് റജിസ്റ്റര് ചെയ്യേണ്ടതാണ്. പാസ്പോർട്ട്, ആധാർ, പാൻകാർഡ്, ഇലക്ഷൻ ഐഡി, റേഷൻ കാർഡ് എന്നിവയുടെ ഒറിജിനലും പകര്പ്പുകളും രണ്ട് പാസ്പോർട്ട് സൈസ് ഫോട്ടോകള്, പദ്ധതി-വിശദീകരണം, പദ്ധതിക്കാവശ്യമായ മറ്റു രേഖകൾ എന്നിവ സഹിതമാണ് പങ്കെടുക്കേണ്ടത്. പ്രവാസി കൂട്ടായ്മകള്, പ്രവാസികള് ചേര്ന്ന് രൂപീകരിച്ച കമ്പനികള്, സൈാസൈറ്റികള് എന്നിവര്ക്കും അപേക്ഷിക്കാം.