ഖോർഫക്കാൻ ആശുപത്രിക്ക് ലോകാരോഗ്യ സംഘടനയുടെ ശിശു സൗഹൃദ പുരസ്കാരം

ദുബായ് ∙ സർക്കാർ മേഖലയിൽ പ്രവർത്തിക്കുന്ന ഖോർഫക്കാൻ ആശുപത്രിക്ക് ലോകാരോഗ്യ സംഘടനയുടെ ശിശു സൗഹൃദ ആശുപത്രി അവാർഡ്. യുണൈറ്റഡ് നേഷൻസ് ചിൽഡ്രൻസ് ഫണ്ടിന്റെ (യുനീസെഫ്) അംഗീകാരവും ആശുപത്രിക്കു ലഭിച്ചു. 3 ദിവസത്തെ പരിശോധനകൾക്കും വിലയിരുത്തലുകൾക്കും ശേഷമാണ് അംഗീകാരം നൽകിയത്. അമ്മമാരുടെയും കുട്ടികളുടെയും പരിചരണത്തിൽ ആശുപത്രി പുലർത്തുന്ന ഉന്നത നിലവാരത്തിനാണ് അംഗീകാരം. ആശുപത്രി നടപ്പാക്കിയ മുലയൂട്ടൽ പദ്ധതിക്കുള്ള അംഗീകാരമാണിതെന്ന് അധികൃതർ പറഞ്ഞു.