ഗിന്നസ് നേട്ടം: ഷയാൻ ബിൻ ഷഫീറിന് കെഎംസിസിയുടെ സ്നേഹാദരം

മലപ്പുറം ∙ ഗിന്നസ് ബുക്ക്‌ ഓഫ് വേൾഡ് റെക്കോർഡിൽ ഇടം നേടിയ ഷയാൻ ബിൻ ഷഫീറിന് മലപ്പുറം മണ്ഡലം ഗ്ലോബൽ കെഎംസിസിയുടെ സ്നേഹാദരം. ഷാർജ ഹാബിറ്റാറ്റ് ഇന്റർനാഷനൽ സ്കൂൾ ഏഴാം ക്ലാസ് വിദ്യാർഥിയായ ഷയാൻ രണ്ട് വേൾഡ് റെക്കോർഡുകൾ ആണ് കരസ്ഥമാക്കിയത്. 

ഏറ്റവും കൂടുതൽ വൃക്ഷ തൈകൾ വച്ച് പിടിപ്പിച്ചത് (9317 ) ആണ് ഒന്നാമത്തേത്, കൂടുതൽ ആളുകളെ  ഒരേ സമയം പങ്കെടുപ്പിച്ചു നടത്തിയ വെബ്സൈറ്റ് നിർമാണ വിഡിയോ കോൺഫറൻസ് (2803) ടീമിലും അംഗമായിരുന്നു ഈ മിടുക്കൻ. ഷയാൻ ബിൻ ഷഫീറിന് ഗ്ലോബൽ കെഎംസിസിയുടെ ഉപഹാരം പി. ഉബൈദുള്ള എംഎൽഎ സമ്മാനിച്ചു.

ഗ്ലോബൽ കെഎംസിസി ജന. സെക്രട്ടറി യു.പി. അഫ്സൽ അധ്യക്ഷത വഹിച്ചു. മലപ്പുറം മണ്ഡലം മുസ്ലിം ലീഗ് ജന. സെക്രട്ടറി പി.എ. സലാം,ഹാരിസ് ആമിയൻ, യുസുഫ് കൊന്നോല, കെഎംസിസി ഭാരവാഹികളായ മുനീർ പട്ടർകടവ്, ഷുക്കൂർ വടക്കേമണ്ണ, ഹബീബ് വളമംഗലം, മുജീബ് വാറങ്കോട്, ജാസിം കണ്ണാട്ടി, അമീറലി പൂക്കോട്ടൂർ, മലപ്പുറം സി.എച്ച് സെന്റർ ദുബായ് ചാപ്റ്റർ പ്രസിഡന്റ്‌ സഫീർ മങ്കരതൊടി, ഭാരവാഹികളായ അബ്ദുറസാഖ് ചോലക്കൽ, ശിഹാബ് കൊന്നോല തുടങ്ങിയവർ പ്രസംഗിച്ചു.