പാസ്​പോർട്ട് സേവനം സെപ്റ്റംബർ 2 വരെ തടസപ്പെടും

ദോഹ ∙ ‘പാസ്‌പോര്‍ട്ട് സേവാ’ വെബ്സൈറ്റിന്റെ സാ​ങ്കേതിക അറ്റകുറ്റപ്പണികാരണം പാസ്​പോർട്ട് സേവനം സെപ്റ്റംബർ 2  തിങ്കളാഴ്ച വരെ തടസ്സപ്പെടുമെന്ന് ഖത്തറിലെ ഇന്ത്യൻ എംബസി അറിയിച്ചു. ഇന്നലെ ( വ്യാഴാഴ്ച) വൈകുന്നേരം 5.30 മുതൽ (ഇന്ത്യൻ സമയം രാത്രി എട്ട്), സെപ്റ്റംബർ രണ്ട് തിങ്കളാഴ്ച പുലർച്ചെ 3.30 (ഇന്ത്യൻ സമയം രാവിലെ ആറ്) വ​രെയാണ് വെബ്സൈറ്റ് സർവീസ് കാരണം സേവനം മുടങ്ങുന്നത്.

ഇക്കാലയളവിൽ പാസ്​പോർട്ട്, തത്കാൽ പാസ്​പോർട്ട്, പിസിസി ഉൾപ്പെടെ സേവനങ്ങൾ ലഭിക്കില്ലെന്ന് ഖത്തറിലെ ഇന്ത്യൻ എംബസി അറിയിച്ചു. തിങ്കളാഴ്ച രാവിലെ മുതൽ പതിവ് പോലെ സേവനങ്ങൾലഭ്യമാകുന്നതാണ്. അതേസമയം, എംബസിയിലെ കോൺസുലാർ, വീസ സേവനങ്ങൾ പതിവ് പോലെ തുടരും. വെള്ളിയാഴ്ചത്തേക്ക് നൽകിയ എല്ലാ പാസ്​പോർട്ട് സംബന്ധമായ അപ്പോയിന്റ്മെന്റുകളും റദ്ദാക്കിയതായി ‘പാസ്​പോർട്ട് സേവ’ വെബ്സൈറ്റ് അറിയിച്ചു. അന്നേദിവസം അപ്പോയിന്റ്മെന്റുകള്‍ ലഭിച്ച അപേക്ഷകരെ പുതിയ തീയതി എസ്എംഎസ് വഴി അറിയിക്കും.