ദുബായ് സഫാരി പാർക്കിലേക്ക് സന്ദർശക പ്രവാഹം

ദുബായ്∙ ദുബായ് സഫാരി പാർക്ക് സീസൺ 6ന്‍റെ ആദ്യദിനമായ ഇന്ന് തന്നെ ഒട്ടേറെ സന്ദർശകരെത്തി. വിനോദവും വിജ്ഞാനവും പകരുന്ന 87 വ്യത്യസ്ത ഇനങ്ങളിൽ നിന്നുള്ള 3,000-ലേറെ മൃഗങ്ങളാണ് പാർക്കിലെ പ്രധാന കാഴ്ച. കാൽനടയായോ ഷട്ടിൽ ട്രെയിൻ വഴിയോ സന്ദർശിക്കാവുന്ന അറേബ്യൻ ഡെസേർട് സഫാരി, എക്സ്പ്ലോർ വില്ലേജ്, ആഫ്രിക്കൻ വില്ലേജ്, ഏഷ്യൻ വില്ലേജ്, കിഡ്​സ് ഫാം, അൽ വാദി എന്നിങ്ങനെ ആറ് തീം സോണുകളും പാർക്കിലുണ്ട്. 

ഓരോ സോണും വന്യജീവികളെ അ‌ടുത്തറിയാനുള്ള അവസരമൊരുക്കിയിരിക്കുന്നു. മൃഗങ്ങളുടെ ക്ഷേമം മുന്നിൽകണ്ടുള്ള സംവിധാനങ്ങളാണ് ഇവിടെയുള്ളത്. അവയിലൊന്നാണ് ഭൂഖണ്ഡത്തിന്‍റെ തനിരൂപം പ്രദാനം ചെയ്യുന്ന ആഫ്രിക്കൻ ഗ്രാമം. ആഫ്രിക്കൻ ആനയും മീർകാറ്റും ഉൾപ്പെടെ ലോകത്തിലെ ഏറ്റവും വലുതും ചെറുതുമായ ചില കര സസ്തനികൾ ഇവിടെയുണ്ട്. ടിക്കറ്റ്, സമയം തുടങ്ങിയവ അറിയാൻ സന്ദർശിക്കുക: https://dubaisafari.ae.