അരങ്ങ് സാംസ്കാരിക വേദി ഓണം ആഘോഷിച്ചു

അബുദാബി ∙ അരങ്ങ് സാംസ്കാരിക വേദി ഓണാഘോഷം നടത്തി. കോവളം എംഎൽഎ എം. വിൻസന്റ് ഉദ്ഘാടനം ചെയ്തു. ഒരുമയുടെയും സ്നേഹത്തിന്റെയും സഹകരണത്തിന്റെയും കാഴ്ചകളാണ് പ്രവാസലോകത്തെ ഓണാഘോഷങ്ങളെ സമ്പന്നമാക്കുന്നതെന്ന് അദ്ദേഹം പറഞ്ഞു. സഹവർത്തിത്വത്തിന്റെ ഈ നല്ല മാതൃക ഒരിക്കലും വിട്ടുകളയരുതെന്ന് ചാലക്കുടി എംഎൽഎ സനീഷ് കുമാർ പറഞ്ഞു. 

800ലേറെ പേർ പങ്കെടുത്തു. മാവേലി എഴുന്നള്ളത്ത്, ഘോഷയാത്ര, ശിങ്കാരിമേളം എന്നിവയ്ക്കു പുറമേ കലാപരിപാടികളും അരങ്ങേറി. നാടൻപാട്ടിന്റെ അവതരണവും നടന്നു. പ്രസിഡന്റ് ദശപുത്രൻ, രക്ഷാധികാരി എ.എം. അൻസാർ, ജനറൽ സെക്രട്ടറി അഭിലാഷ് പിള്ള, പ്രോഗ്രാം കൺവീനർ ചാറ്റർജി, അബുദാബി മലയാളി സമാജം കോഓർഡിനേഷൻ കമ്മിറ്റി ചെയർമാൻ യേശുശീലൻ എന്നിവർ പ്രസംഗിച്ചു.