കുവൈത്തിലെ വിദേശ തൊഴിലാളികളുടെ എണ്ണത്തിൽ ഒന്നാമത് ഇന്ത്യക്കാർ

കുവൈത്ത് സിറ്റി ∙ കുവൈത്തിലെ വിദേശ തൊഴിലാളികളുടെ എണ്ണത്തിൽ നേരിയ വർധന. വിദേശികളിൽ ഒന്നാം സ്ഥാനം ഇന്ത്യക്കാർക്ക്. ഏറ്റവും ഒടുവിലത്തെ കണക്കുപ്രകാരം വിദേശ തൊഴിലാളികളുടെ എണ്ണം 2.9% വർധിച്ച് 16.89 ലക്ഷമായി. മുൻ വർഷം ഇത് 16.4 ലക്ഷമായിരുന്നു.  

ജൂൺ വരെയുള്ള കണക്കനുസരിച്ച് 5,37,430 ലക്ഷം ഇന്ത്യക്കാരാണ് കുവൈത്തിൽ ജോലി ചെയ്യുന്നത്. 4.74 ലക്ഷം പേരുമായി ഈജിപ്താണ് രണ്ടാം സ്ഥാനത്ത്. സർക്കാർ മേഖലയിൽ ജോലിക്കാരിൽ 79.6% പേരും (4.74 ലക്ഷം) സ്വദേശികളാണ്. എന്നാൽ സ്വകാര്യമേഖലയിലെ സ്വദേശികൾ വെറും 4.4% മാത്രം.