പുസ്തകമിറക്കി മലയാളി വിദ്യാർഥി

ഷാർജ ∙  വട്ടോളി ഹൈടെക് പബ്ലിക് സ്കൂള്‍  ഏഴാം ക്ലാസ് വിദ്യാർഥി അയിഷ അലിഷ്‌ബ ഫാന്റസി നോവൽ 'ടെയിൽസ് ഒഫ് ലോക് വുഡ്‌ലാൻഡ് ദ് ബ്ലൂ ഗേറ്റ് ' പ്രകാശനം ചെയ്തു. ഷാർജ ഇന്ത്യൻ അസോസിയേഷൻ പ്രസിഡന്റ് നിസാർ തളങ്കരയിൽ നിന്ന് ചന്ദ്രിക എഡിറ്റർ കമാൽ വരദൂർ പുസ്തകം ഏറ്റുവാങ്ങി.

ഡോ. ഗ്ലോറി മാത്യു അയ്മനം, പി.കെ.ഹാഷിം, എം.പി. ജാഫർ, ലിപി അക്ബർ എന്നിവർ പ്രസംഗിച്ചു. കോഴിക്കോട് നാദാപുരം സ്വദേശി എം.പി. സലീമിന്റെയും ആരിഫയുടെയും മകളാണ് അയിഷ അലിഷ്ബ.