കൊട്ടും പാട്ടും കളികളും വരയുമായി കുട്ടിക്കൂട്ടം പരിപാടി ശ്രദ്ധേയമായി

ദോഹ ∙ സംസ്കൃതി ഖത്തർ കളിക്കൂട്ടത്തിന്റെ ആഭിമുഖ്യത്തിൽ നടത്തിയ 'കുട്ടിക്കൂട്ടം' പരിപാടി സ്കിൽസ് ഡെവലപ്മെന്റ് സെന്റിറൽ വച്ച് നടന്നു. രജിസ്റ്റർ ചെയ്ത 130 പേർ പങ്കെടുത്ത പരിപാടി കളിക്കൂട്ടം അംഗങ്ങളായ റിദ്യ, അൻവിദ, ആരാധ്യ എന്നിവർ ചേർന്ന് ഉദ്ഘാടനം നിർവ്വഹിച്ചു. കളിക്കൂട്ടം അംഗമായ നഷ ഷമീർ അധ്യക്ഷത വഹിച്ചു.

പാട്ടും വരയും അഭിനയവും നൃത്തവും കളികളും സമ്മേളിച്ച കുട്ടിക്കൂട്ടം പരിപാടി കുട്ടികൾക്ക്  ഏറെ ആസ്വാദ്യകരമായി. സുധീർ ബാബു, രാമചന്ദ്രൻ ആർഷ, വിനോദ്, സാന്റിനൊ സാൾട്ടസ്‌, ഗൗതം കൃഷ്ണ, നിഹാര എം ശരത്, ദീക്ഷികാജ്യോതി ദേവിക വിനോദ്‌, ലക്ഷ്മിക ജ്യോതി, ശ്രദ്ധ രഞ്ജിത്ത്‌ എന്നിവർ പരിപാടിക്ക്  നേതൃത്വം നൽകി. ജ്യോതിക വൈശാഖ് സ്വാഗതവും ജോവാൻ മെൽവിൻ നന്ദിയും പറഞ്ഞു.