ഒമാൻ ദേശീയദിനാഘോഷം: വര്‍ണാഭമായി വെടിക്കെട്ട്

മസ്‌കത്ത് ∙ ദേശീയദിനാഘോഷങ്ങളുടെ ഭാഗമായി ഒമാനില്‍ ഒരുക്കിയ വെടിക്കെട്ട് ശ്രദ്ധേയമായി. രണ്ടിടങ്ങളിലാണ് ചൊവ്വാഴ്ച കരിമരുന്ന് പ്രയോഗം നടന്നത്. മസ്‌കത്ത് ഗവര്‍ണറേറ്റിലെ അല്‍ ഖൂദിലും ദോഫാര്‍ ഗവര്‍ണറേറ്റിലെ സലാല ഇത്തീനിലുമാണ് ഇന്നലെ വെടിക്കെട്ട് നടന്നത്. 

രാത്രി എട്ടിന് ആരംഭിച്ച വെടിക്കെട്ട് 30 മിനിറ്റ് തുടര്‍ന്നു. വീടുകളിലും വാഹനങ്ങളിലുമിരുന്ന് നിരവധി പേര്‍ കാഴ്ചക്കാരായി. ഇന്ന് മുസന്ദം ഗവര്‍ണറേറ്റിലെ കസബിലും കരിമരുന്ന് പ്രയോഗം നടക്കും.