ടോളറൻസ് അവാർഡ് യുഎഇ പ്രസിഡന്റിന്റെ മതകാര്യ ഉപദേഷ്ടാവിന്

അബുദാബി ∙ കലാലയം സാംസ്കാരിക വേദി ഏർപ്പെടുത്തിയ ടോളറൻസ് അവാർഡ് യുഎഇ പ്രസിഡന്റിന്റെ മതകാര്യ ഉപദേഷ്ടാവ് ഷെയ്ഖ് അലി അൽ ഹാഷ്മിക്ക് സമ്മാനിച്ചു. 

ലോക സമാധാനത്തിനും സഹിഷ്ണുതയ്ക്കും നൽകിയ സമഗ്ര സംഭാവന മാനിച്ചാണ് പുരസ്കാരം. അബുദാബി നാഷനൽ തിയറ്ററിൽ നടന്ന സാഹിത്യോത്സവിന്റെ സമാപനച്ചടങ്ങിലായിരുന്നു പുരസ്കാര സമർപ്പണം. ചടങ്ങിൽ മേജർ ജനറൽ അബ്ദുല്ല അസ്സയിദ്, സുൽത്താൻ അൽ ഷിഹി, ജവാദ് അൽ ഒബൈദി, ഫാ.ബി ഷോയി (ഈജിപ്ത്), മുഹമ്മദ് അബ്ദുൽറഹീം അൽ ഹാഷിമി, ഹസൻ ഹമ്മാദി, ഡോ.ബു അബ്ദുല്ല, നാസർ അൽ ഹമ്മാദി, ഹാതിം അലി അൽ നൊവൈസി, പി.ബാവഹാജി (ഇന്ത്യൻ ഇസ്‌ലാമിക് സെന്റർ) തുടങ്ങിയവർ പങ്കെടുത്തു.