ദുബായ് കെഎംസിസി കാസർകോട് മണ്ഡലം കമ്മിറ്റി കെ.എസ്.അബ്ദുല്ല അനുസ്മരണം സംഘടിപ്പിച്ചു

ദുബായ് ∙ ദുബായ് കെഎംസിസി കാസർകോട് മണ്ഡലം കമ്മിറ്റി സംഘടിപ്പിച്ച കെ.എസ്.അബ്ദുല്ല അനുസ്മരണ പരിപാടി യുഎഇ കെഎംസിസി ഉപദേശക വൈസ് ചെയർമാൻ യഹ്യ തളങ്കര ഉദ്ഘാടനം ചെയ്തു. ദുബായ് കാസർകോട് മണ്ഡലം കെഎംസിസി പ്രസിഡന്റ്‌ ഫൈസൽ പട്ടേൽ അധ്യക്ഷത വഹിച്ചു.

ജനറൽ സെക്രട്ടറി ഹസ്കർ ചൂരി, യുഎഇ കെഎംസിസി ട്രഷറും ഷാർജ ഇന്ത്യൻ അസോസിയേഷൻ പ്രസിഡന്റുമായ നിസാർ തളങ്കര, ദുബായ് കെഎംസിസി കാസർകോട് ജില്ലാ പ്രസിഡന്റ്‌ സലാം കന്യപ്പാടി, ട്രഷറർ ഉപ്പി കല്ലങ്കൈ  എന്നിവർ പ്രസംഗിച്ചു. പ്രവാസി വ്യവസായികളായ ഹംസ മധൂർ, അബൂബക്കർ കുറ്റിക്കോൽ, സമീർ തളങ്കര ,ഹനീഫ് മരബയൽ, മുജീബ്, ജമാൽ  തുടങ്ങിയവരെ  റാഷിദ് അസ്‌ലം ആദരിച്ചു. കെഎംസിസി നേതാക്കളായ ഹനീഫ് ചെർക്കള, അബ്ദുല്ല ആറങ്ങാടി, അഫ്സൽ മെട്ടമ്മൽ, ഡോക്ടർ ഇസ്മായിൽ, അഷ്‌റഫ് ബായാർ, മറ്റു ഭാരവാഹികൾ തുടങ്ങിയവർ സംബന്ധിച്ചു.