ഫോക്കസ് ഖത്തർ ബി ഫിറ്റ് ക്യാംപെയ്ന് തുടക്കം
Mail This Article
ദോഹ ∙ ഫോക്കസ് ഖത്തർ റിയാദ മെഡിക്കൽസുമായി ചേർന്ന് സംഘടിപ്പിച്ച ബി ഫിറ്റ് ഫിറ്റ്നസ് ചലഞ്ച് ക്യാംപെയ്ന് തുടക്കമായി. 45 ദിവസം നീണ്ടുനിൽക്കുന്ന ക്യാംപെയിനിന്റെ ഭാഗമായി പങ്കെടുക്കുന്ന ആളുകൾക്ക് വേണ്ടി വിവിധ പ്രോഗ്രാമുകൾ സംഘടിപ്പിക്കുമെന്ന് ഭാരവാഹികൾ അറിയിച്ചു. പരിപാടിയുടെ ഉദ്ഘാടനം റിയാദ് മെഡിക്കൽസ് മാനേജിങ് ഡയറക്ടർ ജംഷീർ ഹംസ നിർവഹിച്ചു. ഫോക്കസ് ഖത്തർ സോഷ്യൽ വെൽഫെയർ മാനേജർ അമീനു റഹ്മാൻ പ്രോഗ്രാമിനെ കുറിച്ച് വിശദീകരിച്ചു.
പ്രോഗ്രാമിൽ ഫോക്കസ് ഇന്റർനാഷണൽ സിഇഒ ഷബീർ വെള്ളാടത്ത് സംസാരിച്ചു. ഫോക്കസ് ഖത്തർ സിഇഓ ഹാരിസ് പിടി അധ്യക്ഷത വഹിച്ച പ്രോഗ്രാമിന് ഫോക്കസ് ഖത്തർ സിഒഒ അമീർ ഷാജി സ്വാഗതവും റിയാദ മെഡിക്കൽ സെന്റർ മാർക്കറ്റിങ് മാനേജർ അൽത്താഫ് നന്ദിയും പറഞ്ഞു.
ഫിറ്റ്നസ് ചലഞ്ചിൽ പങ്കെടുന്നവർക്ക് റിയാദ മെഡിക്കൽ സെന്റർ സൗജന്യ വൈദ്യ പരിശോധന നൽകുമെന്ന് റിയാദ് മെഡിക്കൽസ് മാനേജിങ് ഡയറക്ടർ ജംഷീർ ഹംസ പറഞ്ഞു. കൂടാതെ ഫിറ്റ്നസ് ഫസ്റ്റ് ജിം നൽകുന്ന സൗജന്യ ബോഡി കോമ്പോസിഷൻ അനാലിസിസ് വൗച്ചറും ഇതിൽ പങ്കെടുക്കുന്നവർക്ക് നൽകുമെന്ന് സംഘാടകർ അറിയിച്ചു.
Focus Qatar Be Fit campaign launched
