അനധികൃതമായി റാലി നടത്തിയാൽ കുവൈത്ത് നാടുകടത്തും

കുവൈത്ത് സിറ്റി ∙ കുവൈത്തിൽ അനധികൃത റാലികളിൽ പങ്കെടുക്കുന്ന വിദേശികളെ നാടുകടത്തുമെന്ന് ആഭ്യന്തര മന്ത്രാലയം അറിയിച്ചു. രാജ്യത്തിന്റെ ക്രമസമാധാനത്തിനും സുരക്ഷയ്ക്കും ഭീഷണിയുണ്ടാക്കുന്ന തരത്തിലും ഗതാഗത തടസമുണ്ടാക്കിയും ജാഥ നടത്തുന്നവർക്കെതിരെ കടുത്ത നടപടിയെടുക്കുമെന്നും മുന്നറിയിപ്പുണ്ട്.

നിയമം പാലിക്കാൻ എല്ലാവരും ബാധ്യസ്ഥരാണെന്ന് ജനറൽ ഡിപ്പാർട്മെന്റ് ഓഫ് പബ്ലിക് റിലേഷൻസ് ആൻഡ് സെക്യൂരിറ്റി മീഡിയ അറിയിച്ചു. മേഖലയിലെ ചില സംഭവവികാസങ്ങളെ തുടർന്ന് ഈജിപ്ത്, തുർക്കി തുടങ്ങിയ രാജ്യങ്ങളിൽ നിന്നുള്ളവർ കഴിഞ്ഞദിവസങ്ങളിൽ തെരുവിലിറങ്ങി റാലി നടത്തിയിരുന്നു.