പ്രണയ സാക്ഷ്യങ്ങൾ

എൻ കൺകളിൽ പ്രകാശിച്ച വെളിച്ചം
ഞാനറിയാതെ എന്നിൽ പടർന്നൊരു വെളിച്ചം
ഞാൻ നിന്നെയും നീ എന്നെയും കണ്ടൊരു വെളിച്ചം
നമ്മളൊന്നായി കണ്ട വെളിച്ചം, നമ്മളെന്ന പ്രണയമാം വെളിച്ചം

എൻ കാതുകളിൽ കേട്ടൊരു സ്വരം
ഞാനറിയാതെ എന്നിൽ പതിഞ്ഞൊരു സ്വരം
ഞാൻ നിന്നെയും നീ എന്നെയും കേട്ടൊരു സ്വരം
നമ്മളൊന്നായി കേട്ട സ്വരം, നമ്മളെന്ന പ്രണയമാം സ്വരം

എൻ മനസ്സിൽ അറിഞ്ഞൊരു വികാരം
ഞാനറിയാതെ എന്നിൽ അലിഞ്ഞൊരു വികാരം
ഞാൻ നിന്നെയും നീ എന്നെയും അറിഞ്ഞൊരു വികാരം
നമ്മളൊന്നായി അറിഞ്ഞ വികാരം, നമ്മളെന്ന പ്രണയമാം വികാരം

നിശ്ചയമൊന്നിതു പ്രീയേ
രചിക്കും നാം ഒന്നായി പ്രണയ വെളിച്ചത്തിൽ
പാടും നാം ഒന്നായി പ്രണയസ്വരത്തിൽ